حلّ المسا .. والحزن فـي كـل مفـرق=والليل غامض مثل جرحي ومفضـوح!
وأنا خويّ الحـزن .. والدمـع الأزرق=ولا كل حزن بزرقـة الدمـع مشـروح!
غريب ما أشبه للخلايـق .. ولا أفـرق=عنهم ، ولكني أعانـي مـن الـروح!!
نبت في صدري غصن فرحه ولا أورق!=وأورق مكانه بعد يبّس .. غصن نـوح!
وإنهالت الذكرى علـى البـال وأطـرق=للي ورى الذكرى من أحزان وجـروح!
ساكت .. وغيم البوح يرعـد ويبـرق=في داخلي ، لكنّي اخشى مـن البـوح!
متعلق بصمتي عـن البـوح لا أغـرق=وليا غرقت شوي .. حولتهـا مـزوح!
أجي لبيبـان الحبايـب .. ولا أطـرق=ليت الحبايب تتـرك البـاب مفتـوح!!
يمكـن يمـر القلـب مـره ويـسـرق=لحظة لقـا كانـت علـى بالـه تلـوح!
وإن أعتم إحساسي من الفقد .. وأشرق=بمرور صاحب .. قلت: يا صاحبي روح!
رمّد شعوري مـن جروحـي لا يحـرق=عمرك معي .. والعمر لحظة وبتـروح!!