يازين عقبك عافت عيوني النوم
واحس في دنياي راحت سماجه
ضويت لي في غيبتك حزن وهموم
وانكفت وانتَ كاسب ٍ كل حاجه
لو هو قرارك كان جاني بمرسوم
مير البلآ في الوقت جاه أندراجه
والوقت مايصفي ولو كنت زيزوم
من يوم ساوى الحر مثل الدجاجه
وفي كل مايحصل مقدّر ومقسوم
وبكل ضيقة قافيتها انفراجه
واللي غيابه طال مايلحقه لوم
نصبر على ضيم الدهر واختلاجه
ولو كان ماجاني مراسيل وعلوم
يبقى الوفاء والحب ثابت سياجه
للي غلاها وسط قلبي ومختوم
مايمسحه عاصوف وقت وعجاجه
أبقى على حبه ولو كنت محروم
ولو ذقت من مّر الفراق وهماجه
هذي وصايفها مع البيض معدوم
فيها الجمال اليوسفي والغناجه
مالي جدى عقبه ليا حزة اليوم
الا دموعي لين وقت المواجه
الإهداءات
رد: سجل حضورك شعرا2011؟
العرض العادي
المواضيع المتشابهه الموضوع: سجل حضورك شعرا2011؟ 
