أبيات اتمنى ان ترتقي لمرتبة حكمة
فأن اصبنا فمن الله وان أخطأنا فمن أنفسنا

ترى دنياك هذي يالبيب أرزاق واقسامي
نصيبك لو تمادت غيبته لابد ما تلقاه

وجفنك لا تفيـِّـض دمعه لعاذل ولـوَّامي
يلبسك الملامه لو صفا لك قوله و معناه

دموع اهل الكرامه ما حشمها غير الاكرامي
على شيمة وقيمة بيت عز ٍ ناهض ٍ مبناه

ولا تلقى مكاسب تجرتك مع كل سوَّامي
ولو له جوخة التاجر و زي ٍ زاهي ٍ ترضاه

لقيت الناس من ماضي العصور الفوت ظلاّمي
حظيظ اللي نجا من ظلمهم يا الله بالمنجاه


يقلمي
عادل بوبدر