أبيات أعجبتني (لويحـــان)

الا يامال فرقا العين الا يامال فرقا العين
يابعِد الفرق بين الناس ياخلاق ياكافي

خطاة الزول صورة، يحسب الجمعة ضحى الاثنين
يغر الأجنبي زوله وفي ملبوسه الضافي

فلا منك قرعت زناد عرفه مع هل التثمين
لقيته عملة ما تندرج مع كل صرافي

يحسب أن الهوى خبلان قضبك مفرع السوقين
يعقب له ثلاث وجاب يذري فوقه السافي

هبيل فواد يمرح له بعِنَّه لابتن سارين
تكوبع في عباته وانسدح والهجن زلافي

ألا ياتابع المقفين تتبعهم وهم مقفين
نقاصة عقل ياللي تتبع اللي معطين قافي

ربيع ما تذوق حماه لو يذكر نباته زين
فهو من حظ غيرك فيه له مربع ومصيافي

ورا ما تعتبر يادباشة والا الذهين ذهين
يقيسك في طرف حبله ويأخذ سدك الخافي

ترى درب الشكاله والسعادة صد عنك يمين
حاشا لله ما تارد وتشرب مشربٍ صافي

لقيت الشور ما ينفع ويقعد علية الغادين
على مثل ايش ابا انفخ لي على كير وهو طافي

يقوله واحد راضٍ على الاقصين والادنين
وكل هلال لابده بيكبر ثم ينشافي

لويحان رحمه الله

---

Hfdhj Hu[fjkd (g,dpJJJhk) Hfdhj Hu[fjkd (g,dpJJJhk)