البارحه ياروح روحي شاعرك هاضت عليه=مشاعرن شلت معاليق الخفا واضهر خفاه
وقمت أتذكر مامضى وأعيد وقتي وأنتهيه=وأمنت بأنك من خذا قلبي وسبب له شقاه
أنت الغرام الأولي وأنت الوحيد الي أبيه=وأنا الأسير اللي يهيم بحب محبوب أفتداه
لبيه ياسيد البنات اللي خفوقي مهتويه=ولبيه يالي يوم شفته هام قلبي في هواه
نور القمر ياغار من خدك ليا لديت فيه=اجل مالوم الناس لو غارو ليا شافو حلاه
كله على بعضه حلا من هامته لين إقدميه=الله هو اللي بأعذب الأوصاف حلاه وعطاه
أموت به وأغليه وأحبه وبالقلب أفتديه=حتى من أنسام الهواء أغار ثم اخشى علاه
متيمن به وين ماوجه وقلبي يتليه=أن راح شرق اروح شرق ان راح غرب امشي وراه
حلفت له بلي جعل قلبي رهينن في يديه=مانساه لو الشيب لاح بعارضي وأيضاً كساه
واللحين لي خامس سنه وأنا فلا زلت أرتجيه=ويحرم علي ماأنساه لين افارق ايام الحياه
قلبي بحبه ياعرب رب الخلايق مبتليه=ومن زود حبي له عليه اغار من أمه وأباه
والمشكله لأقلت له أني صحيح اموت فيه=قام أيتبسم كنه مشكك ولا يعرف غلاه

شرفني المرور بهذا الجماااال
سلمت يداااااك
صح لساااانك مليوووون ولايسدووون
تقديري واحترامي لشخصك
وبوحك الراقي
ذكرى الغالي

القدير

سعد الهبداني

صح الله السانك واعلى شانك
تقبل الورد

سامي احمد

صح الله لسانك وأجـدت في بيانك
وبقي التمـــيز والاقتدار عنوانك
وأعلى الرحمــن شــأنك وكيانك