إهداء إلى المُفتَرضَة والمُنتَظَرة
يا نعيم الروح يا جنة حياتي
يا ملاذ القلب في غربة سنينه
أخذ كل أيام عمري المقبلاتي
ومن حنانك أعطني لحظة سكينه
يا بعد من يلبس حجاب وعباتي
كلهم فدوة لشالٍ تلبسينه
يا بعدهم كلهم أنتِ غناتي
ما تشوف العين غيرك يا حسينه
آه من لون الكرز وسط الشفاتي
والثنايا كالبرد خلفه سجينه
وآه من سحر العيون الناعساتي
ومن رمته برمشها ربي يعينه
وآه من ذيك الخدود الناعماتي
غار منها الورد وأزهار الجنينه
وآه من لمسة يديك المترفاتي
من ترفها تترف اللي تلمسينه
ناعمة ترفة تحير بك الصفاتي
ويتنعم كل شي تكتسينه
فاكهة كوكتيل زايد بالحلاتي
موز رمان وكرز خوخه وتينه
لو عرفتك من سنين ماضياتي
كان ما بين مشيبي قبل حينه
بيني وبينك عهود راسخاتي
والوفاء بيني وبينك حافظينه
ما يفرقنا أبد الا المماتي
وما يغيرنا الزمن زينه وشينه
معك بأنسى الماضي ومافات ماتي
معك يبدأ العمر يا فرحة سنينه
kJudJJJJJl hgJJJJJJJJv,p kJudJJJJJl hgJJJJJJJJv,p
الإهداءات
نـعيـــــم الــــــــروح 
العرض العادي
المواضيع المتشابهه الموضوع: نـعيـــــم الــــــــروح 
