عقيم حلمي عاشر الوقت ما جاب=إلا ملامح فرْح تشبه لحزني


ياحلم خاطر طفلتك منك ماطاب=لو ترسم سنين التعب فوق جفني

أنا رسولة حزن في أمة أغراب=وربّه لكل إحساس جرحٍ عبدني

وأنا صرير الصبر بأطراف الأبواب=معبر ولا به طارق إلا خذلني

أحمل نعش حظي على متن الأعصاب=وأطوف به حول الفرج ماقبلني

ياذا القدر يكتب مشاويري غياب=ليته على طول المسافه أجرني

علّمتهم كيف الوفاء يجمع أحباب=وتجمعوا ما أحدٍ بعدها ذكرني



وعلّمتني إن الأمل يصنع أسباب=ونسيت إن العمر ماينتظرني



بين احتمالات الفرج حظ كذاب=راود ملامح فرحتي مالمسني



وبين الشعر والجرح قدسية اصحاب=مثل عيوني والسهر لا ثملني

عظيم جرحي عاشر الواقع وجاب=ملامح أنثى تشبه أشباح حزني.!