بسم الله الرحمن الرحيم
والصلاة والسلام على أشرف خلق الله
أما بعد :
أولا ً نبارك لكم عودة شبكة الشموخ الأدبيه
وهذه متواضعه للتواصل مع إخواني الأعضاء وأتمنى أن تحوز على رضاكم ..
حب الملـوّح والهـلالي و أبو زيد=ذكرى \ وأنا وياك قصه جديده
حبك معاي يزيد ويزيد ويزيد=ماينقصه قول العقول البليده
ماهمّني هرج القفا والمقاريد=دام أنـت راضـي جعلهم للوقيده
ليت العواذل يالغلا تربط بقيد=وتحبس لجل جسر الوصـل ماتـبـيده
لو غبت عن عيني أجـر التناهيد=حتى ولو ساعه حسبتك فقيده
أتـبـع طيوفك دايـما ً وأسري بعيد=وأتـعب مثل راع النياق بشديده
جفاك لو بوصف مثل جرهد البيد=ياروض خفّاق المُحب وريـده
أنت الغلا وأنت الحلا ياتـلع الجيد=وأنت الشقا وأنت العنا لو تريده
هجرك ضياع وشوفتك يالغضي عيد=ولا أبغى ضياعي يالحياة السعيده
لا لا مالف يمين ويسار وآحيد=أنا في درب الحب وياك سيدآ
إن شفت أنا إسمك بالجريده مع ( عبيد )=من غيرتي قمت وحرقت الجريده
ياليـتـني ( حاكم ) وإلي ( شعب ) وآسيد=لامرتهم بسمك تغنوا نشيده
جمعت حلو الهرج قبل المواعيد=ومن جيتني ماقلت جمله مفيده
أنا ( حديد ) وذبت يا ناعم الإيــد=زينك ( لهب ) يَصهر رجال ٍ عنيده
لو الحلا له ( عرش ) ياسيّد الغيد=مالك منافس فيه دام أنت سيده
لحظه رجاءا ً صبر من غير تهديد=تبغى خفوقي ! هاك بس لا تعيده
الله يحفظك من عيون الحواسيد=ياحايز ٍ كل الوصوف الفريده
شعر \ نواف محمد الشويّب .
الإهداءات
إسمك بالجريده ! 
العرض العادي
