بسم الله الرحمن الرحيم
السلام عليكم ورحمة الله وبركاته
هناك شعراء كثر يستحقون ان نحفظ قصائدهم في
ديوان يحمل اسم
الشاعر
وانا اليوم احمل لكم من قصائد
الشاعر العملاق حسن
محمد المحمدي حبشي رحمه الله الذي كان له الباع الطويل في الشعر
البارح الجمعـه ثمانيـن دمعـه
هليتها من موق عينـن حزينـه
عينن تهل دموع ما نوع من نوع
استمطرتها من مخايـل رزينـه
قامت تذكرنـي بخلـن هجرنـي
خلن رمى رمحه وصوب طعينـه
وخلن مصوبني وخلـن سلبنـي
وخلن زرع حبه بسلطـة يمينـه
صدفه لها قصه ونصـن تنصـه
أعرض تفاصيله على سامعينـه
العرض الأول شفت عودن محول
من موترن فيه الوجيه الحسينـه
أرخيت عيني وأثر حظـي يبينـي
وأوما على سحر العيون اللعينـه
الا و به ثنتيـن يزهـن بالزيـن
إن قلت ذي زينه فهاذيـك زينـه
اللي يحد الباب فـارس وحـراب
واللي وراه الموت فـي حاجبينـه
وقمت أتلفت والضلوع استخفـت
مثـل الـذي خصامتـه مقتفينـه
والين به غمزه وهمـزه ولمـزه
اللي سطي منهم غمز لي بعينـه
غمزه من البرقع وغمزه بالأصبع
اللي بسلك من الذهـب شابكينـه
ويلن مالي حلحـل الهـم حالـي
وابا اتعـرف منزلـن ساكنينـه
العود أخذ ساعه يـدور بضاعـه
حسبي على اللي عني معطلينـه
والغايه إن العود أخذ كل مقصـود
جاني يشيل بضاعته فـي يدينـه
واستظهر المفتاح ريض ومرتـاح
ما يدرى إن حبيبي عـن يمينـه
قلت انكسر يا سلف لا تدرج البلف
وإلا تحطـم ياعمـود المكيـنـه
وإلا انكسر ياقير واذكرك بالخيـر
وأرتد قلبن مـن هلـك ناهبينـه
الغايه إنه راح وعزي لمن طـاح
وقلبي يحن ومتصل مـع حنينـه
قلت الحقه ياجيب لا أشقق الجيب
وأصيح وأجمع كل من في المدينه
وأقول بيته وين والدرب من فيـن
بالله دلونـيـه يــا عارفيـنـه
وقمت اترقب له وطوفـت قبلـه
حتـى تعرفنـا حصاتـه وطينـه
وأمسيت هاك الليل بالهم والويـل
واصبحت عند الباب كني رهينـه
ولا دريـت إلا بنـورن تجـلـى
يمشي ويتعسف بخطـوه هوينـه
وفكيت ما بيدي وعارضت سيدي
ثم قلت قلبـي جـاك لا تظلمينـه
قالت تبي تظلـم وتحـرم وتعـدم
وراك ما تمشـي بسكـه مبينـه
حافظ على راسك وقيس قياسـك
ترى عواقب بعض الأعلام شينـه
قلت المهم الهم والليـل الأظلـم
حسبي عليك إن كان ما تعرفينـه
مار العلامه بينـه يـا حمامـه
بـا مـر والشبـاك لا تقفلينـه
قالت تجي بكره ومن غير نكـره
دق الجرس وأنشد وقل ذاك وينـه
==========
وهذه قصيده له على بحر طويل
ول يانجم سكنت العرش حظك بالهواء متعلـي يامضنـت روحـي
وش بقي عند الغريب اللي رميتـه رميـة المـوت العـدو القاسـي
من قسى قلبك قطع حبل الرجاء بالياس وين القا عـلاج جروحـي
استلم مفتاح قلبي والحكم لله ثم الك ياسيدي لو كـان تقطـع راسـي
من صبر موتي فنا بكتب براتـه فـي سنـد واقـول ذا مسموحـي
كم كتب لهل الهواء يهل الهواء مال الهواء غيـر الكبـون الباسـي
اهياسمي تقسـم فـي عـروق الـدم وانفاسـي تجـي وتروحـي
واجذب الونات ياساتر تهـم الـروح تطلـع مـع بـروج انفاسـي
كم شكيت وكم بكيت وكـم دعيـت اللـي ليـا ناديتهـا ماتوحـي
كل مامرت تبرت وان تناسـت قلـت مقسـى قلـب خلـي ناسـي
وكم سهرت وكم صبرت وكم خجلت من الطيور اللي تجاوب نوحي
ارحمت حالي وراحـت تدعـي الله بالشفـاء فالمسجـد العباسـي
ياحسـن علتـك طالـت مامعـك بعلاجهـا فيـد ولا مصلوحـي
طال شرك مثل قيس اللي عشق ليلـى وصابـه بعدهـا وسواسـي
قصة اهل الود ماتمحى مراسمها ولو جا عهدها في عهد بعثة نوحي
كم كتب لهل الموده من قصص ومثـال صـارت عبـرة للناسـي
يامرادي كيف تشبكني ولا يمديني امحى اللـي كتـب فـي لوحـي
كيـف حبـي ماثبـت ورسـى وحبـك فـي عضامـي راسـي
ياهبوب الريح يالى كل صبـح تمرنـي بشكـال العطـر الفوحـي
تجذبـه مـن عندهـم وتمرنـي بـه واتريـح وستـرد احساسـي
بلغيه اغلا تحيه واخبريه ان العمر بعده تحت سيف الخطر مطروحي
احرقه جمر الفراق وصف حاله مثل حال البن لاصافق به المحماسي
========
]d,hk hgahuv hgulghr psk lpl] hglpl]d pfad Hpl] hgHpl]d hgahuv hgulghr pfad ]d,hk psk
الإهداءات
ديوان الشاعر العملاق حسن محمد المحمدي حبشي 
العرض العادي
المواضيع المتشابهه الموضوع: ديوان الشاعر العملاق حسن محمد المحمدي حبشي 
