أهداء لتلك الانسانة الافتراضية التي قصدتها
في مقالتي الافتراضية "حذاري تحبني وحدة"
بسم الله أبدأ
....
يا زين ياللي مع الخفرات مالك شبه
وش ذا البطا ياحبيب القلب وش ذا البطا ؟
يا ناعم العود يا سر الغلا وأعذبه
الصد بين الأحبه صح وإلا خطا ؟
غبت و تغـيّـبت حتى غابت الأجوبه
والبعد ضيّـع سرابه مشيتي والخطا
جربت بعدك ولا نجحت معي التجربه
والشوق بين الضلوع العوج جمره سطا
أنا عطيتك عمر , خط الحبر و إكتبه
وقل لي بعد كل هذا وش بقى من عطا ؟
وإن ولّـعوا لك وشاتي يا غناتي حْـطبه
بكره بتصلى لظاها سمــر وإلا رطا
كل الوشــاة تـشابه بـيّـنه في الشبه
لو يختلف هرجهم في الحالتين إخلطا
والسم له ناب وجحر الداب من يقربه
من يقرب الجحر يلقى دابه الأرقطا
وإن ما تـنبـّـهت ماظني تبي تـنـتبه
وإن ما كشفت الغطا من يكشفك يا غطا ؟
وإن ما لحقت السنين إن جات متعاقبه
وإلا تمــرّ الليالي مثل ســرع القطا
خاتمة
أنا ماجيت أدور من وراء الاشعار لي جمهور
ولكن جيت انا لجلك ابهدي لك بيوت جزال
wp ,Ygh o'h ? wp ,Ygh o'h ?
الإهداءات
صح وإلا خطا ؟ 
العرض العادي
المواضيع المتشابهه الموضوع: صح وإلا خطا ؟ 
