|
رد: ديوان الأمير الشاعر بدر بن عبدالمحسن شمس الجمال - بدر بن عبدالمحسن هيه يا غصن تمايل بالدلال ما تخاف الكسر لا هب الهبوب وما تخاف الله وتسعى بالعدال انصف من لحاظ عينيك القلوب لا متى ذبح العرب عندك حلال تابت العالم متى عينك تتوب مير قلبي يا لغضي بيعه محال ما أقدر أعطي لو تبي مني ذنوب أشهد إنك بالحلى فقت الخيال وعيب حسنك كان في حسنك عيوب شارقة في طلعتك شمس الجمال وجامع في ضحكتك كل محبوب الخمل فيني انا ما بك خمال مشملٍ نوّك .. وانا نوّي جنوب |
رد: ديوان الأمير الشاعر بدر بن عبدالمحسن سوالف عرب على جال ضوهم - بدر بن عبدالمحسن عبر العصور السالفه .. كانوا العرب يشرون المهر بمية ناقة كانوا الرجال مثل الرماح .. قاماتهم مشدودةٍ ودقاقة وكانوا الحريم صبرٍ قديم وفا وسماح .. والى اقطعوا عن الفطيم الحليب قصوا عسيب من انخله واعطوه له وقالوا فرس اعطوا الصغير سيفٍ خشب ومجدٍ يحبه يوالفه السالفه رغم الفقر والجهل واوقات المرض ماكان للبسمة غرض ولا كان للدمعه غرض ماكان في الدنيا سوى ثوب ورغيف وعرض نظيف وكرامةٍ ماهي تمس .. السالفه اني أحس انا عكسنا السالفه صحيح قهرنا الفقر والجهل وايام المرض لكن غدى لكل شي غرض السالفه ان القديم كله غدينا انخالفه ابدون وعى والابوعى ماانتم معي انها قديمه السالفه |
رد: ديوان الأمير الشاعر بدر بن عبدالمحسن سلام يا رمشٍ كسى باهي الخد - سلام يا ذبح القلوب الخليه - بدر بن عبدالمحسن سلام يا رمشٍ كسى باهي الخد سلام يا ذبح القلوب الخليه انعم من النسمة على خدة الورد وأغلى سلامٍ لو ترده عليه كان الجفا منك حصل لي فلا بد أرضى بعطفك لوه رد التحيه رد السلام ولي تبسم على قد ما توجب ظروف الوفا والحميه وان كان لك قلبٍ غليلٍ على الصد الله حسيبك صد .. أنا اش في يديه والله ما يصبر على خاين الود كود الذي قد خان أمانة خويه |
رد: ديوان الأمير الشاعر بدر بن عبدالمحسن سارة - بدر بن عبدالمحسن ((سارة)) من كتب الحب العتاق ، وتاريخ القراق وستاير الدمع الرقاق .. جمعت قلبي غبار ، وقطع فخار .. ومن على المرمر البارد .. ومن ما نسته النار ، من غيمي المحروق .. وحملت عيوني وركبت أول سفينه تبحر .. على وجهي الاصفر ، خريف طال .. وسلال من رذاذ وملح .. وفي صدري حجارة نسيوها بحاره .. مروا علي ف يوم .. وقالوا تعال معنا ، وما كان يجمعنا .. إلا الضياع والريح .. راجع من الايام ، من الاحلام .. ومن الف سناره ، مغروسة بقلبي لقيت لي بشارة ، ما اغلى عطا ربي .. أثر العمر ساره ، وموج البحر ساره .. وكل المدى ساره .. سافرت كل العمر ، وراجع احب سارة .. |
رد: ديوان الأمير الشاعر بدر بن عبدالمحسن بحر العيون - بدر بن عبدالمحسن تقول اللي طرف عينك أنا مدري هدب أو عود أحس اني من اللي صابها ماشوف قدامي ضحكت .. وقلت لاتخافي على بحر العيون السود على شط الكحل مريت .. وهذا موضع أقدامي أدوّر عن ذهب عمري .. أدور كنزي المفقود وأشوف الموج يطوي الموج ويبحر مركب أحلامي عيوني بسمة اعيونك ولو صارت مطر ورعود أبا اشرب من ظما دمعك وابااغسل جرحي الدامي عطيني عيونك الليلة .. وباكر ياعساه صدود أمانه لا مسحتي الكحل خلي طيف أحلامي أحبك كان يكفي الحب جروحي في هواك شهود أنا اللي راس مالي حلم .. وهم الدنيا قدامي |
رد: ديوان الأمير الشاعر بدر بن عبدالمحسن جـــهودك محل الثـــــناء والإجلال والتقدير ولك في نوافذ العطاءالمتميز وجود وتأثير وأتمنى من الجميع المساهمة من خلال إضافة القصائد غير المطروحة هنا ليكتمل الديوان |
رد: ديوان الأمير الشاعر بدر بن عبدالمحسن مشعل الفدغوش بدر بن عبدالمحسن شاعر اكثر من راااائع يعطيك العافيه على جهودك |
رد: ديوان الأمير الشاعر بدر بن عبدالمحسن ممابروحي لازعج الصوت وادعيه=غديه يسمع صيحتي من عذابه اللي هجرني مادرى ويش انا فيه=أقفا وقفى مايرد الإجابه لولا الحيا ثوبي من الغبن لا افريه=واجدع هدومٍ ماوقتني حرابه وابكي وإبكّي من شكا ظلم غاليه=واللي فقد شوف الاهل والقرابه واصفق بكفٍ واتبع الصبر باقيه=واقول تكفى وآصله حد بابه واجعل ظلام اليأس نور الرجا فيه=واتبع ولو في القاع مغوي سرابه عل الرجا يلحق على طول راجيه=وإلا جريح الحب يشفى صوابه بدر بن عبدالمحسن |
| الساعة الآن 07:42 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011