|
رد: ديوان الأمير الشاعر بدر بن عبدالمحسن ان بكى الليل والدمعات - بدر بن عبدالمحسن احببت ان انقل لكم مرثية من مرثيات مهندس الكلمه الشاعر ( بدر بن عبدالمحسن) وهي كتبت رثاء في صاحبة السمو الملكي الاميرة العنود بنت عبدالعزيز رحمها الله واسكنها جنته ... ان بكى الليل والدمعات سود وسال كحل ٍ على قمرا الخدود أعرف انه هوى نجمٍ فريد مثل نوره سديم بلا حدود حسبي الله عدد ضي النجوم ورحمة الله على سهيل العنود عمتي يشهد الله عمتي هذا حق النسب وأغلى الجدود وعمتي في المحبة والعطا وعمة الناس يالقلب الودود والله أكبر خذت منك السنين كثر ما غيبت منك اللحود والله أكبر خذيتي من السنين كل ما يجعل الذكرى خلود وأكثر الناس حقٍٍ في البقا من إلى بخلت الدنيا يجود ويحمد الله على طول الحياة من قصَرها على تقوى وسجود ما على الزهر لومٍ لو بكى وذير الصوت غزلان النفود خلّ نجدٍ تبوح بحزنها قبل تنسى معالمها النجود كل شي مرده للزوال وكل عبدٍ .. لخلاقه يعود |
رد: ديوان الأمير الشاعر بدر بن عبدالمحسن ابعتذر عن كل شي - بدر بن عبدالمحسن قصيدة رائعة من روائع الامير الشاعر بدر بن عبد المحسن ** أبعتذر ** ابعتذر.. عن كل شئ الا الهوى .. ماللهوى عندي عذر أبعتذر.. عن كل شئ الا الجراح.. ما للجراح الا الصبر ان ضايقك اني على بابك أمر في ليلة ألم.. و اني على دربك مشيت عمري و أنا قلبي القدم أبعتذر.. أبعتذر.. كلي ندم عن كل شئ.. الا الهوى ما للهوى عندي عذر اتصدقي.. ما اخترت انا احبك ما احد يحب اللي يبي سكنتي جروحي غصب يا حبي المر.. العذب ليت الهوى و انتي.. كذب كان اعتذر لك عن هواي و ما اقول انا .. كوني معاي ان ضايقك اني على بابك أمر ليلة ألم واني على دربك مشيت عمري و انا قلبي القدم ابعتذر.. ابعتذر.. كلي ندم عن كل شئ .. الا الهوى ما للهوى عندي عذر |
رد: ديوان الأمير الشاعر بدر بن عبدالمحسن عانقت الشفق - بدر بن عبدالمحسن أول اليوم عانقت الشفق وآخر اليوم عانقني شفق وأنا بين التلاقي والفراق أدفن العمر وأحفر لي نفق يا حبيبي وأنا مثلك غريب عن حمى النوم غربني أرق اقطع الليل لديار النهار واغسل الدمع من شط العرق ولا جمعني بك الموعد لمحت ألف نجمٍ توهج .. واحترق أجمل العمر طفلٍ من غلاه قمت أضمه لصدري واختنق وباقي العمر لو عمره يطول ما يجي سطر في ذهن الورق من بقول اللقا غير الوداع بينهم فرق واجد ما صدق أول اليوم عانقت الشفق وآخر اليوم عانقني شفق |
رد: ديوان الأمير الشاعر بدر بن عبدالمحسن ردي سلامي للهوى عذب السلام .. وأغلى الأماني وللأمل كلمة ملام حبيبتي ردي سلامي حبيبتي ... ردي سلامي للهوى عذب السلام .. وأغلى الأماني وللأمل كلمة ملام .. قولي له إني ما هقيت ... إني الى نحت وشكيت .. ترجع ليالينا سوى شوق وغرام ... سنين مرت وما أدري عن الأيام .. يقولوا تفرق الأحباب .. وانا أقول القمر ما غاب .. من أول يوم تواعدنا .. أثاري الوقت يخدعنا .. ويبعد عننا الأحلام .. قولي له إني ما هقيت ... إني الى نحت وشكيت .. ترجع ليالينا سوى شوق وغرام ... حبيبتي يا نظر عيني .. أشوف الليل ما بيني وبينك وكل الناس .. أحس ف نظرتك معنى .. ودربٍ كان يجمعنا على الإحساس .. قولي له إني ما هقيت ... إني الى نحت وشكيت .. ترجع ليالينا سوى شوق وغرام ... |
رد: ديوان الأمير الشاعر بدر بن عبدالمحسن الشمس طاحت وبردت ورمد الشفق في حجر الارض - من يشتهي يدوس باقدامه على هالرماد كله الرماد الشمس طاحت وبردت ورمد الشفق في حجر الارض من يشتهي يدوس باقدامه على هالرماد كله .. يا عابرٍ على المدى من السراب الى الندى .. قلبي سقط فوق التراب شله .. او لا تدوس القلب خله كل يوم له شمس وانا مالي سوى قلبي انا من بكى لين الثرى بله بالدمع .. ويوم اكتفى صد وعصر ظله ومسح بردنه وجنته .. ثم ابتسم لين حسدوه الناس يازارعٍ شوك الهراس فوق الرمل كله لاقدام من يكره الشوك ياحظ من ياطى بقدم انا مالي سوى قلبي الشمس طاحت ونثر الظلام ظله .. على الجروح ياكاتم الزين الفضوح عن عيني لا تظهر انيابك وتقطع احبابك شمات انا من عطى ضي الشموس خله لين حسدوه الناس ولا تنتظر غير السموس لله .. انا مالي سوى قلبي |
رد: ديوان الأمير الشاعر بدر بن عبدالمحسن يا عذولي وش تفيد به النصيحه - لا تعذل القلب وجروحه طريّه الروح الجريحه - بدر بن عبدالمحسن يا عذولي وش تفيد به النصيحه لا تعذل القلب وجروحه طريّه من يداوي علة الروح الجريحه ومن يسلي دمعة العين الشقيه ان شكيت من الهوى قالوا وان سكت استنقضوا جرحي عليه وان نويت البعد ضاقت بي الفسيحه وان بغيت القرب خان القرب فيه من عذلني في الهوى الله يبيحه ومن عذرني ما حصل مني خطيه |
رد: ديوان الأمير الشاعر بدر بن عبدالمحسن جهّى مطر دمع السحاب المجاهيم - سود العيون اللي انتثر وبلهنه دمع السحاب جهّى مطر دمع السحاب المجاهيم سود العيون اللي انتثر وبلهنه رمح الشمال اللي طعن مهجة الغيم شق السحاب وسالت الشمس منه ساعة غشاني دمعها كنه الديم دب الوجل في المهجة المرجهنه وقمت اتذرى بالصبر والتعازيم بعضي يبوح الخوف وبعضي يكنه ناديتها واللي يغيث المظاليم انك ولا غيرك لقلبي مضنه ان قالوا الحساد داله وانا اهيم ما نيب انا ارجي من عدوي محنه قالت تشد وقلت بالحيل باقيم ما في الوطن وعيون الاحباب منه تبسمت شوقٍ بحبٍ بتسليم حبيبتي والا العدو خاب ظنه جهّى مطر دمع السحاب المجاهيم سود العيون اللي انتثر وبلهنه رمح الشمال اللي طعن مهجة الغيم شق السحاب وسالت الشمس منه ساعة غشاني دمعها كنه الديم دب الوجل في المهجة المرجهنه وقمت اتذرى بالصبر والتعازيم بعضي يبوح الخوف وبعضي يكنه ناديتها واللي يغيث المظاليم انك ولا غيرك لقلبي مضنه ان قالوا الحساد داله وانا اهيم ما نيب انا ارجي من عدوي محنه قالت تشد وقلت بالحيل باقيم ما في الوطن وعيون الاحباب منه تبسمت شوقٍ بحبٍ بتسليم حبيبتي والا العدو خاب ظنه |
رد: ديوان الأمير الشاعر بدر بن عبدالمحسن أغنية في العشق والموت - بدر بن عبدالمحسن ضمي مَلامح صورته .. ضميه .. لعله يفيق .. يَشهق .. أو يَردّ النَّفسْ .. ضمّيه لعَله حبس .. صٌوته .. رعشة عرٌوقه .. وخيم حزين الصمت فُوقه .. مات .. مات من قبل ما يكتب له ف قٌربك حياة .. من لبسه ثوب البياض .. من سبل عيٌونه .. مسح غبرة جبينه .. وش يفيد .. اللي زرع نصلٍ حديد .. في قلبه الطيّب نسى .. قولي عسى .. ما تلمحي .. ف طرف ثُوبك له دما .. يا خٌوفتي .. اللي سبح في نهرك الجَارف .. غد اموته ظما .. ضمّي ملامح صورته .. ضمّيه لعله يفيق .. يشهق أو يرد النفس .. صوته جرس .. ينحب على بوابة الليل .. يوقظ خدر جرحك .. يتل من عينك احبال الدّمع ضمّيه لعله سمع .. انك تحبينه .. ولا ..قلتي تحبيه .. ولا .. قلتي تحبيه .. |
| الساعة الآن 02:49 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011