|
رد: ديوان الأمير الشاعر بدر بن عبدالمحسن استبد احيان - بدر بن عبدالمحسن استبد احيان استمد كل هذا الظلم من ألمي اتحد من راسي لقدمي واضرب بعواصفي وبزلزالي واهدم الناس واهدم بحالي لين استرد بعض اثيابي من الريح ولحمي من الشوك وابتعدابتعد واحيان ما املك العواصف ولا الزلزال ولا حتى ف الهجير ظلال لكن استبداستبد باللي عندي اضرب بيدي ف الهوىب جبيني ف الصخر لين اتعب اتعب وانهمد مثل طفل اضناه البكا والسهر وانتي آخر ماأعد في عمري واجمل ما أعد اعشقي ظلم الغصون الخضر للحطاب والجلد للأنياب والجفن للسكين اعشقي هالظالم المسكين واتركيني انصهر في الشمس والا ارتعد في البرد لكن استبد واسترد اثيابي من الريح ولحمي من الشوك وابتعد ابتعد |
رد: ديوان الأمير الشاعر بدر بن عبدالمحسن الحل الصعب - بدر بن عبدالمحسن اسقني حب أو إسقني فرقا إن صبرت الشقا أو هجرت أشقى العمر يمضي والجروح تبقى اختر الحل الصعب يا تفارق يا تحب لا تردد في غرامي ابتسامي دمع وسكوتي كلامي افتح يدينك ل شمسي ول هبوبي كحل عيونك بدمعي وب شحوبي واعشق الهم اللي فيني هذا إن كانك تبيني اختر الحل الصعب يا تفارق يا تحب لا تحدد لي مراحل يا تجيني حب يا تودعني راحل هذي ورده للهوى وهذي جروحك عطني روحي سيدي أو خذها روحك وش بقى ضاعت سنيني يا بعد قلبي وعيني اختر الحل الصعب يا تفارق يا تحب |
رد: ديوان الأمير الشاعر بدر بن عبدالمحسن جينين - بدر بن عبدالمحسن ولو سكتنا هجد عج الظلام وطاح نور القمر ف دروبنا ضجة من لها خمسين عام ذابت اشفاهنا واقلوبنا واقفين على تل الكلام نلعن الناس ونجدع ثوبنا صوتنا نزف ما وقف حرام ودمنا خطبة في جيوبنا لو فلسطين ترجع بالملام وبشتم حكامنا وشعوبنا كان للأندلس وصل الزحام ونامت القدس تحت هدوبنا كل حلم هوى وامسى هدام وكل ظلم غدا مكتوبنا مارضينا السلام من السلام ولاعرفنا نخوض حروبنا اسكتوا ساعة نصحى ننام ندفن امواتنا وخطوبنا لاجل طفل فطم قبل الفطام ما رضع غير ثدي شحوبنا لاجل جينين والموت الزؤام ونوح ثكلى اتلفت صوبنا اصمتوا واسمعوا صوت لعظام ألف ضلع انكسر في جنوبنا بيننا وبيننا كره وخصام ليه نكذب ونخفي عيوبنا وبيننا وبيننا ناس خمام فرقونا وزادوا كروبنا طهروا النفس من حقد واثام واغسلوا بالمحبه ذنوبنا وارفعوا جباهنا عن هالرغام عن جدلنا وسقم اسلوبنا اشهروا السيف واسراب الحمام واقطعوا من قهرنا طوبنا وشيدوا نهضة حد الغمام يصبح الذل عز غيوبنا اعدلوا الصف يا خير الأنام أذن الفجر طال غروبنا إن صدقنا لحقنا مع الامام ركعتين وهي مطلوبنا |
رد: ديوان الأمير الشاعر بدر بن عبدالمحسن أشواك الخصام - بدر بن عبدالمحسن كنا ما بين الحكي والسكوت اظهر اشواك الخصام من قلبي واشفاهي ناظرتني بطرفها الساهي وقالت لو تفارقني اموت وافترقنا لا لقا لا رسايل ولا صوت وكنت أسال دايم أسأل يا ترى وش صار فيها قالوا تزقح ماعليها صارت أجمل ابتسمت وقلت هذا اللي ابي بس كيف أنا صدقت يوم قالت بموت الصحيح إني غبي |
رد: ديوان الأمير الشاعر بدر بن عبدالمحسن ثرثرة - بدر بن عبدالمحسن على شفاهي رماد وحمام ميت وأقلام مكسره وأصوات للناس متى مروا في أعلى الحنجره شريط يدور يدور على الحال والأخبار وكيف الصحة والأحباب مع ابتسامه مسمره على جدران مالها أبواب فرشة أسنان وأمواس حلاقة وصبح أصغر من الطاقه وحنفيه تسكب الماء ثرثرة أغسل المرايا وأجفف المرايا وأنا عندي مواعيد مبعثرة على وقت أقصر من الصبح اللي ورا الطاقه تلبسني هدومي وتخنقني الياقه وأظهر قبل بدري وبعد متأخر لأجل أعترف وأنكر ويدور الشريط يدور حكي قليله نور وأكثره ظل أشياء مرسومة بالمسطرة وبحساب ويبلعني الطريق مثل حوت غبي يأكل ولا يهضم آهلو أدري وش يبي ياكل ولا يضهم يبلع الناس ويلفظهم على أرصفة مكسرة وكراسي وطاولات مبعثرة ويعطيهم مناديل للعرق اراجيل للنعاس وللأرق وحديث جاد لكن بايت عن غصن زيتون في الشمال ومجزرة وأناظر الشارع يمروالسيارة تهزني حلم غريب يبتزني يقول أعكس كل الشوارع غير المواج والأفراح لو يمر غراب ويحجب الشمس وينزل على أطلال مقبره ودي أتشاءم أو يتغير شي زلزال إعصار أو تحترق غابه يحصل شي أي شي يكسر هالرتابه على القليل لو تندلق محبرة على الأوراق أو يدخل ما بين العين والأهداب عود طاير شوي تراب الساعه هالحين ست وثلث الصبح متأخر وأنا لازم اصحى بدري |
رد: ديوان الأمير الشاعر بدر بن عبدالمحسن رماد شوفي رماد دمعي - بدر بن عبدالمحسن رماد رماد شوفي رماد دمعي رماد الضي في عيوني رماد مافيني أسأل او أعاتب وأشكي قولي هجرتك تكفي عن كل الحكي وش يبقى من طول الجفا وجمر العناد إلا البعاد رماد رماد الليله في شي انكسر او كل شي الليله من حزن السفر مافيه ضي مدري صحو مدري مطر يبكي الحكي ويبكي النظر ودعتك الله سافري وين ماتبين الحب يكسر خاطري وهو حزين ودعتها ضيعتها عمري الجميل ناديتها حاكيتها بعد الرحيل ردت على ف الصمت صمت وفي الليل ليل ودعتها وكانت جروح وماقالت اصبر لا تروح رماد رماد |
رد: ديوان الأمير الشاعر بدر بن عبدالمحسن الحيقيقة المفجعة - بدر بن عبدالمحسن للحقيقة أنا أوجعت أكثرمن ما توجعت وجرحت أكثر من ما أنجرحت واعتذاري أكثر من لومي لكن هذا ما حرمني نومي ولا أثقل ضميري والسبب إني ما كنت البادي في عمري والأكيد من كسر ظفري كسرت اصبعه هاذي الحقيقة المفجعة للأسف ما كان عندي الجزاء من نوع العمل ولكن الذي حصل أما عن الناحية المشرقة من القمر أنا أحتفظ بالجيد من الذكريات والصور وكل مؤلم يبهت في ذاكرتي وينمحي تدري الانسان اذا كان ما يستحي إنه يقول أخطيت دايم ذكرياته جيده |
رد: ديوان الأمير الشاعر بدر بن عبدالمحسن الحلم منفي - بدر بن عبدالمحسن \\يطيح جفن الليل واهز كتفه // نجمٍ يشع وباقي الليل مطفي \\واحاكي الجدران عن وصف غرفه //ماتشبه الجدران ويطول وصفي \\وتملني الجدران واظهر لشرفه // تحت السما واسكر الباب خلفي \\ريحٍ تهب وتسكن العظم رجفه //وتموت ريح وتسكن اوراق نزفي \\على الروابي تهطل دموع وطفه // وتصب لمع بروقها وسط طرفي \\ياطاري الغدران والعمر رشفه // مع قلها ياليتها يوم تصفي \\الحب واجد مير الاقدار صلفه // والأرض واجد لكن الحلم منفى 000000000000000000000000000000 |
| الساعة الآن 04:15 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011