ياغايتي ما هقيتك يـوم بتخونـي=والشاهد الله علي ما قلت وأبديتـه
امسيت اشوف البشر بالليل يمسوني=وانا وحيد ٍ سهير الليل ماأمسيتـه
قلبي تكدر وهلـت دمعـة عيونـي=وأشغلتني بالهوى والدمـع هليتـه
لا يا حلالي معك لا تخيب ظنونـي=والقلب ليتك بعد ماأشقيته أشفيتـه
خليتك اغلى الغوالي دوم وتمونـي=واتعبتني فـي بعـاد ٍ مـا تمنيتـه
كتمت جرح الهوى والحب وشجوني=وكويتني يا غلاي وجرحك اخفيتـه
حتى الهنا له سويعات ٍ يطوفونـي=وشلون مبدا الجفا والهجر سنيتـه
قالوا حبيبك جفاك وقلـت خلونـي=يا ليت علم الجفا من ذاك مااوحيته
ياليتهم في عذابـي مـا يواسونـي=وياليت طاري بعـادك مـا تلقيتـه
يامن هويته بعقل وثقل مضمونـي=والناس تحسدك باللي معك سويتـه
زادوا كدر في حياتي معك واشقوني=وحبك يجيب الشقالي مـا تهقيتـه
يا صاح بينت لك معنـاي بفنونـي=والقلب منّك جريح ٍ وأنت صديتـه
خلّك بسلم الهوى للسـد مامونـي=وارسل برد السلام اللـي تحريتـه