اغيب لكن ماتغيب المضامين=اغيب انا مشتاق واعود مشتاق
لو كان غبت سنين عن ناضر العين=لك صورتن تبقا كما نور الاشراق
يابدر يانسل الرجال العذيين=لك في ضميري دايم الدوم ميثاق
ترى المواقف يالغلا دايمن دين=وانته معي موقف بقا ثابت الساق
شيدت لك روضة جنان وبساتين=ميرادها صافي من اجواف الاحداق
ياولد حرب الي تضد المعادين=يلي سكنت بطيبتك لب الاعماق
فديت حرب كهولها والبزارين= اهل الخوي لامن بدى جف الارياق
سلام يانسل الشيوخ السلاطين=سلام يانبع الوفا صاف الاعراق
سلام يحمل من غلاتي ملايين=من ديرة الموصل على مزن براق
سلام وافي في جميع المضامين=للصاحب الي شوفته شبه الاشراق

يامرحبا باللي يبث الرياحين=من هاجسٍ(ن) وقع عناقيد الاشواق
افرح ليا شفته لفى عقب شهرين=عقب الغياب اللي ذبحني بالاعماق
شهرين ادور في جميع الميادين=شهرين في رجواه انا متعب الساق
من عقب غيبة صاحبي شابت العين=والدمع الاحمر من محاجيرها راق
أسال ..بياض الغيم... وين الغلا وين؟؟=وين الذي في طلته لاح براق؟؟
ياغيمةٍ(ن) ظلت عضود الشياهين=ردي خبر عنهم ترى خاطري ضاق!!
اقفت وخلتني بدار المحيلين=اقفت وانا من غصني طاحنّ الاوراق
عشت الليالي ..مرتجي حامي الدين=اللي كتب للخلق لقيا مع فراق
شفتك ومن شوفتك مافقت للحين= بين الحقيقه والحلم ..نور الانفاق..
اغليك انا ..واغلي ربوعٍ(ن) مسمّيَن=بين العرب ((شمر)) لهم مجد وثّاق
لاخالط الجو السماوي دخاخين=رجالهم لمطاحن القوم سبّاق
يشهد لها الفرم ..وجهز..وابن حثلين=ومحمد ..وتركي ..وابن كل فسّاق
صغيرهم بالمعركة عن ملاييين=يركب مهار العز والروح تنساق
شمر غلاهم ساكنٍ(ن) بالشرايين=حبٍ(ن) حقيقي ضخه القلب دفاق
ويامرحبا باللي يبث الرياحين=من هاجسٍ(ن) وقع عناقيد الاشواق

صح الله لسانك وسلم نبضك وقلبك
وفعلا قصائد جميلة بجمال حضورك وتواجدك
ونتمنى ان تزودنا بجديد ابداعاتك في هذا الصرح الراقي بامثالك
سنكون دائما بشوق لمعانقة جديدك
لك مني اجمل الورود والتحايا

الشاعر القدير

بدر الحربي

صح إلسانك و فكرك

وجملت في حرفك وشعرك

بدر الحربي

صح السانك وعلا شانك

والله يعطيك العافية على القصيدة الرائعة