كبريــاء و عنجهيـــه

[كبرياء]

السلام عليكم,,

صباحكم|مسائكم خير,,

إليكم هذه المتواضعه..


عن كلامك يالخبل سديت أذاني
أنت ياللي شايف.ن نفسك عليه

قوم طالع للثريا شف مكاني
والله لتبطي عن مصافح يديه

بدويه غير عن كل الغواني
ما انخلق مثلي بهالدنيا بنيه

فاتنة عصري, أميره في زماني
والعلوم التافهه ماهيب ليه

ماعرفت العشق وش يعني تراني!!
ماعرفت الا غلاي لوالديه

وش أبي بالعشق دام العمر فاني
وش نهاية حب في دنيا رديه!!!

ليه نعشق ليه ياعالم نعااني؟!!
والنهايه فاشله ميه بـ ميه!!

يابشاااير:
جاء على أقصاااي ايحداني
ماعرفني يابشاير لو شويه!

علمي اللي باع فيني واشتراني
لايتحدى <الكبريا والعنجهيه>

علميه أدوس قلبي لو عصاني
علميه بعزتي, ونفسي الأبيه

وبلغيه اني أعده من أخواني
وإنصحيه بيوم لايغلط عليه

وإن شكى لتس يابشاير من جناني
خبريه إني فتاة.ن عفويه

وإنهي الموضوع ياعمري عشاني
ياسندي لاضاق وسع الكون فيه

ياعساني مانحرم منتس عساني
وياعسى الله دايم يخليتس ليه..

(آميـــــــــــــــن)

[سامي احمد]

القديرة

كبرياء

صح الله السانك واعلى شانك
تقبلي الورد

سامي احمد

[ذكرى الغالي]

سلمت يداك التي صاغت هذا الجمال
صح لسانك مليون ولايسدون
تقديري واحترامي
لشخصك وبوحك الراقي
ذكرى الغالي

[المراقب]

كبرياء

صح لسانك وكبريائك

قصيدة رائعه

رغم أن الحب والعشق لا يلغي الكبرياء

تقبلي تحياتي

[أشجان التميمي]

الشاعرة القديرة

كبرياء

صح إلسانك و فكرك

وجملت في حرفك وشعرك

[نبض الشمال]

أحب قراءة الشــعر الممــــيز

الذي يمثل الســــهل الممتنع

ونصك من هذا القبيل لله درك

[عالية التميمي]

صح إلسانك

وسلم بنانك

ونص أكثر من رائع

تسلمين أختي كبرياء

[سالم الصقور]

صح لسانك
نص رائع يستحق القرااااءة
شاعرية لا غبار عليهااا
ننتطر جديدك فلا تحرمينا منه
كبرياااء .. وقصيدتك تتحدث بفخر وكبيرياء
دمتيي مبدعة
تحياتي