رثاء غازي القصيبي ...!!!

[جوهر الراوي]

مرحوم يا القصيبي مرحوم مرحوم
مرحوم ياللي كنت مضرب للآمثال

يا من رحلت عنا في حزة الصـوم
شهر رمضان اللي له الخير مدهال

عساك للفردوس من النار معصـوم
يا غازي القصيبي يا صنو الآبطال

يا آخلص وزير ٍ انعرف بيننـا دوم
قوّة شكيمه مـع تواضـع وإجـلال

أفنيت عمرك للوطن شايـل همـوم
هم المواطن همّك بكـل الآحـوال

شهد لك بالإخلاص خادم ومخـدوم
مثلـك قليـل ٍ بالرياجيـل رجـال

رجل ٍ محنّك مع ثقافـات وعلـوم
أديب وشاعر مقنع آقـوال وآفعـال

لله درّك ياللي مـن عليـة القـوم
ياللي آثارك باقيـه لكـل الآجيـال

ياما تعلّت بالسمـآ عندنـا نجـوم
لكنه نجمك حـاوي ٍ كـل الإقبـال

مازال نهجـك ندرسـه بيننـا دوم
فن الإداره والقيـاده لهـا آشبـال

خبر وفاتك صرت آنا منْه مصدوم
خبر رحيلك شبه هـزّات زلـزال

نطلب لك الرحمه بكل ليل ٍ ويـوم
ونطلب لك الغفران كا لمزن همّـال

واختم كلامي واجلي عن نفسي اللوم
واسترجع الله صاحب الأمر والحال

وصلاة ربي عد الآعـداد بالكـوم
على النبي شفيعنا بيـوم الآهـوال

’،

جوهر الراوي

[ليان]

الله يرحمه

صح لسانك جوهر


تحياتي
ليان

[جوهر الراوي]

بارك الله فيك ليان

مرورك الأشم الأغر عاطر ومؤازر

كل الود والورد لك مع التحية والتقدير

[المراقب]

رحم الله الفقيد وأسكنه فسيح جناته

صح لسانك أخوي جوهر على الرثائيه الرائعه

[عبدالعزيز الفدغوش]

رحم الله الأديب غازي القصيبي

الرائع جوهر الراوي

صح الله لسانك وأجــدت في بيانك

وبقي التمـــيز والاقتـــدار عنوانك

وأعلى الرحمــن شــــــأنك وكيانك

[عهود المحبه]

رحم الله واسكنه فسيح جناته

بالفعل خبر وفاته احزنني

ولكن لا حول لنا ولا قوة

صح السانك جوهر

تحيتي لك

[الرويلي]

انا لله وانا اليه راجعون
الله يرحمه ويحسن مثواه
ويرحم اموات المسلمين
ويحسن خواتيمنا

ويرحم بن الشعلان النوري

[جوهر الراوي]

المراقب

لله درك

بارك الله فيك

كل الود والورد لك