بسم الله الرحمن الرحيم
أعزائي في صرح الشموخ السلام عليكم ورحمة الله وبركاته .. أسعد الله أوقاتكم بكل خير .
ضيفة جديدة بينكم ولي الشرف تمنياتي للجميع بموفور الصحة والعافية
أضع بين ايديكم أول قصائدي البدائية على لسان عاشق أرهقته اﻷشواق لعل وعسى أن تنال
إعجابكم دمتم بخير .
هونك بالخفوق اللي يحبك موت لو تدرين
نسى أهله نسى احبابه بهالدنيا وتفرغ لك
مهو بعادي تخليني وانا مغرم بك وتمشين
تخليني وأنا احتاجك وأعدك كل ما أملك !
أحبك كثر ما قالوا مصلين العرب آمين
كثر ما تظلمين احساس متغرب يبي عدلك
كثر ما تعرفين الحب اللي بداخلي لك زين
كثر ما تجهلين إني أعاني والسبب جهلك
حبي لك كذا وأزود يضل عشقك ليوم الدين
أنا مالي ومال الناس أنا عايش كذا ﻷجلك
ألا يامبتغاي وكل أماني فرحتي تكفين
خذيني منك ﻷحضانك بكامل قلبك وعقلك
بعد ما كنت اضمك بالخفوق إلين ما تدفين
صرت الحين ابي منك دفا بعضك على كلك
انا مالي احد غيرك تخليني ؟ و أروح لمين
إذا روحي إهي روحك وظلي ملازم لظلك
ي عيني ما قويت ألوم واقسى فوق ماتقسين
تظلين انتي كل الحب و أظل بدنيتك خلك
الإهداءات 
أحبك كثر ما قالوا مصلين العرب آمين ! 
العرض العادي
المواضيع المتشابهه الموضوع: أحبك كثر ما قالوا مصلين العرب آمين ! 
