الـمـلـحـمــة الـوائـلـيـة للشاعر الأسـمـر الـجـويـعـان

[أزهار الشموخ]

يالله يامشـفـي الجـسـوم العليـلـة

ياللي خلقت من العـدم كـل وجـدان

خلقـت مخلـوق وعيـنـك تخيـلـه

مابين كاف ونـون كونـت الانسـان

أنـت الـذي رزق الخلايـق كفيلـه

يارافع سمـك السمـاء دون عمـدان

أدعوك بـأ سمـاك العظـام الجليلـة

يالجـود لمأجـود ياجـزل الاحسـان

ياواحـد ماغيـر عـفـوك وسيـلـه

لقدرتـك عبـدك فقـيـرا ومـنـدان

أحمـدك يالمعـبـود لـيـه قبيـلـه

ربعي هل الجدعـا سلايـل سليمـان

قصيرهـم ظـل المـعـزة مقيـلـه

يمشي طويل الرأس من غير حقـران

أن جاء نهـارا ساعـة بـه طويلـه

ملكادهم يشبع بـه الذيـب سرحـان

الخيـل بالفرسـان يرهـق صهيلـه

غاب اليقين وحاضـر كـل شيطـان

ربعـي مرويـن السيـف الصقيـلـة

جعافـرة عنـد القبائـل لهـم شـأن

يامـا ارملـوا بافعالهـم مـن حليلـه

وساعدهـم الايمـن خلايـف عليـان

اللـي جهـل يسمـع عقـاب وجيلـه

ينبيك عنهم حاضـر الفكـر فهمـان

هـرج صحيـح واضـح لـك دليلـه

محمـد الاحمـد بعثـهـم بـديـوان

ذاك السديـري ماعلـومـه هزيـلـة

حـرا تربـى بالمعالـي ورفـعـان

ماولـف الا ضـو ذكــر حكيـلـة

قول على قول تقـول العـرب كـان

لـولا أجـواد النـاس مالـه عقيلـه

تاريخ عـوق الخيـل شيبـا وشبـان

خيالنـا لــو تسـألـون الكحيـلـه

تشهد لنا صمك الرمك والخفـي بـان

مـن لابـة تزبـن دخيـلا يجلـيـه

دخيلهم عن واهـج الشمـس ينصـان

أولاد وايــل كاسبـيـن النفـيـلـه

والهرج مايثبت علـى غيـر برهـان

هـل الفعـول الطيـبـة والجزيـلـه

وايل لهـم بالمجـد منـزل ومسكـان

عـدوهـم يسقـونـه الحنضلـيـلـه

يجرع مـن العلقـم قراطيـع ويهـان

يـوم البـرى رده عميـل لعميـلـه

الجمع يزبـر والوغـى بينهـم حـان

نشت بهـا سحـب المنايـا المخيلـه

بمصقـلات الهنـد ومـزرج الـزان

الموت يزجـر واحمـر الـدم سيلـه

وربانهـا قـب تصاهـل بفـرسـان

تلاحمـت بيـن الخصيميـن خيـلـه

الخيـل تنهـم والعرينـي بالايـمـان

معـاركـا دارت رحـاهـا مهيـلـه

تصرخ بها خضر النمش واللغا شـان

خيالنـا تـاطـا الحـوافـر قتيـلـه

اليا سمك عج الرمك خلف الاضعـان

اليـا عثـا بالخيـل فعلـه فصيـلـه

سيفـه الهامـات المناعيـر ديــان

ملكادنـا يشفـي الطـنـا والغليـلـه

تشهد لنـا جـرد السبايـا بالاكـوان

وذيقـار شاهدنـا وغـيـره مثيـلـه

ارامل المنـذر حماهـا ابـن شيبـان

المنذريـه يــوم جتـنـا دخيـلـه

حنـا زبنهـا يـوم لـوذات الاذهـان

جتنـا تسوقهـا الـبـلاوي ذليـلـه

وعدنا لها مجد الشرف بعد الاحـزان

حنا كسرنـا جيـش كسـرى وفيلـه

وعما نـوى حنـا جزينـاه حرمـان

حنـا هـا الجمـع الـذي ينعنيـلـه

نكسر جحافل غازيـا شـن عـدوان

ماننهـزم عـن حقـنـا مستحيـلـه

وحنـا نفـرق بيـن خـل وخــلان

حريبنـا يجـرع قراطـيـع ويـلـه

يشكـي غلايـل فعلنـا راح ندمـان

بالمعركـة نجـزاه بأشنـع سحيـلـه

نكسـب مفاخيـر المعـارك بميـدان

عبرت عـن عصـر ورثنـاه نزيلـه

يوم الفرس والسيف وعنـان وسنـان

والنـاس كـل صـاع حـق تكيـلـه

ماهـي مذمـة للفبـايـل وبهـتـان

كـلا علـى حملـه صبـورا يشيلـه

اثبت على ماقلـت والفعـل سلطـان

أفعالنـا عـنـد الـمْـورخ نبيـلـه

كـلام ابـن كلثـوم يثبـت بوكـدان

الـيـا نـوانـا جـاهـلا نعتنلـيـه

وبجهلنا نجهـل علـى كـل جهـلان

اليا انهضـم راع الضلـوع الهزيلـه

تلقـى فعايلنـا جزيـلات وسـمـان

اجموعـنـا بالـحـرب ماينقويـلـه

دسنـا رواسيهـا وسدنـا بالاوطـان

سدنا الجزيـرة ونعـدل ميـل شيلـه

وحنـا جعلنـا كـل قاسيـا لـيـان

من شرقـي البحريـن لحـدود نيلـه

نامر وننهـى مانـداري بهـا أنسـان

وايـل سلاطيـن العـرب تنتميـلـه

ومنا كليب اللـي قطـع رأس حسـان

ومنا بطـل ذي قـار مزبـن دخيلـه

وحتى عمر والزير بالاصـل ويـلان

ومنـا المثنـى قـاد جنـد بسيـلـه

جيش عرمرم يـوم تحطيـم الاوثـان

يـوم سهومـه مثـل وبـل الرفيلـه

والسيف من سفك الحمر ذاك رويـان

ومنا الملـوك اللـي خطاهـم ثقيلـه

اسياد تعرب مـن قديمـات الازمـان

ستـر العـذارى ناقضـات الجديلـه

ماعقبه مفـرن علـى الحـق عيـان

أفعالهـم شـر الضغانـيـن تزيـلـه

تقضي علـى حاسـد وظالـم وفتـان

المقرنـي مـن عــزوة نعتزيـلـه

عـن الجزيـرة زاح ظلـم وطغيـان

عبدالعزيـز اللـي قمـع كـل عيلـه

رام المعالي واعتـلا المجـد بمكـان

حتـى بحـد السيـف جـوه صفيلـه

وسبع الخلا من الخوف مايقرب الضأن

هـو الـذي شكـر الثنـا يستويـلـه

تنشر له البيضـا علـى راس مابـان

ومنا الصباح اللي بهـم عـدل ميلـه

بطرافهـم يعيـش عايـب وعجـزان

نفوسهـم بالمـال مـاهـي بخيـلـه

صبـاح والاسـرة مجاذيـب عقبـان

ومنـا الخليفـة عـز مـن يلتجيلـه

هل الصخا والجود عطبين الاطعـان

شيـوخ لهـم بالضـد حيـل وحيلـه

حكـام بالبحريـن لهـم الهـواء زان

ومنـا مصـوت بالعشـاء كـل ليلـه

يزهم بعال الصوت لمن كان جيعـان

اللـي يصـوت بالسنيـن الوخيـلـه

بيته ينـادي بالكـرم كـل الاحيـان

ومنا الدريعي يـوم يسحـب صقيلـه

سيفه يشيل الراس من فـوق الامتـان

لعيـون حصـه مايمصـه نجيـلـه

ماعاد يتلى الخيل مهـرة ولاحصـان

ومنا عقاب الخيـل مـرذا الاصيلـه

ومسكت الورع العجي وابـن هـزان

هزازنـه والمـدح فيـهـم نحيـلـه

ان جاء نهـار فيـه رجـف ورنـان

وجديـع ابـن هـذال مابـه جهيلـه

وساجر مسوي للنضا سبـت صفيـان

وبرجس غدير الموت حامـي الدبيلـه

وابا الشيـوخ ليـا توشـح بشامـان

وكنعان يعجـب خفـرة ينتخـي لـه

وابن سمير اللي وراء ضلع حـوران

ومنا اخـو جحلـه فارسـا ينوحيلـه

تعرف ملا كيده ليـا طـار الايقـان

والسيل يجري مـع مجـاري مسيلـه

وقولا بلا فعـلا طعـن فيـه مشعـان

وهرج بـلا صـدق قليـل حصيلـه

ماقـل دل وذكـره قـبـل راكــان

والهـرج يكفـي عـن كثيـره قليلـه

ماقلـت زود فـي كلامـي ونقصـان

[عبدالعزيز الفدغوش]

الله يعطيك الصحة والعافية

وبوركت كل الجهود الوافية

[عبدالعزيز الفدغوش]

رحم الله شاعر عنزة الشاعر الكبير الأسمر الجويعان

[أزهار الشموخ]

[إنتظار الشمال]

الله يعطيك العافية

وتســلم الأيـــــادي

[الجفول]

[هيبة الشامخ]