ما أذكر تعبتك يا إنتظار الليالي = ولا قد شكيتك يا الألم والكلافه
ولا قد بكيت اللي مضى أو جرالي = ولا تنفع الحسرات هي والحسافه
من أول ٍ لا جيت ما أجي إلحالي= معي جيوش أسرار عزم وصلافه
يزيد في دنياي قو ّ إحتمالي = وأجي بوجه الباب ما أجي إخلافه
آقف بوجه الريح دوم إمتعالي = لا ما انحنيت لواقعي وإختلافه
طيّب مع العالم صريح ٍ مثالي = لا ما أتبع الواشين وأهل اللقافه
واليوم شوف الحال عزي لحالي= هم وجروح وغم حزن وضعافه
أمشي بجنب السس وحدي لحالي = وأسمع كثير اشياء خبث وسخافه
حزني بدأ يزداد وانحاس بالي = ومما تشوف العين أبكي وأخافه
أبكي حلا وأحلام عمر وسؤالي = وذاك الزمان وعيشة ٍ إترافه
وبيت ٍ صغير ٍ مسعدينه إعيالي = حلمي وأنا أدري ما تحقق حسافه
تدرين عزي يا حوالي لحالي = هالحين حتى العمر والله بأعافه
ثريا الشرق
الإهداءات
جيوش الأسرار !! 
العرض العادي
المواضيع المتشابهه الموضوع: جيوش الأسرار !! 
