(حــــادث)!! لشــاعر إيــاد المرسي

[سارا]

حادث
على لسان...طفله ...فقدت ..كل فرحه وكل أمل ..مع فقدانها ..والدها ..في حادث مروري , بسبب السرعة القاتلة والمتهورة ...
اطرحها ..هنا ..
وكلي امل ...
ان ...تكون رساله ...
أسال الله ....ان لا يفجعكم في غالي ..
اللهم آمين ..
.

.

.

.

ثقيله هالدقايق
اذا كان الوجع
بـ عمر ..انسان
ثقيله يا ثواني
هي بداية... (تمر ازمان )

بغيضه يالدموع اللي على خدين طفله
بعمر الورد/
وكبر الجرح
حزينه يا الاماني ..ليه ؟ّ
ليه ؟!
انا مدري وش اللي ماخذينه بس!!
انا مدري من المسؤل ؟!
عن الحصه /
عن التلميذ /
وآخر درس
انا مدري ..
انا ليه اكتب حروف اللحين ؟!!
احاول...اشرح ..الحزن الدفين
بثرثرات ...حروف ...وغصت عين
حكاية من حرم طفله..
تحس بضحكة الاطفال..
صباح العيد
حكاية (آآآآآه )..في حلق حيرتها
ورجفة أيد ..
وتتنهد في جدار القبر...ساعة
كنها ظلم الليالي ..بوحشة بيد

ومع أول دقايق سالفتنا ..
على شارع ...حمل ثوب الحداد
وحشرجات ..القبر ..
بسرعه مر ...
مع الوعد الذي ...ما قدر يوفيه
مع اسماع طفله ...ما تعرف الحزن !

لا


لا


كانت ما تعرف الحزن ..
تغرد له بصوتها النعسان ..
وتعزف أعذب الالحان ..

(
يبه ..عمري ..حبيبي
لا تْأخر ...
ابي ترجع قبل ما انام ..
ابي اتلحف حنانك...في
تصبحين بخير .. مع بوسه على خدي ..
يبه وانام ..
وقبل ما انسى ..يايبه اسمع ..
ابي دفتر رسم أحمر
وابي اقلام للتلوين ..
وابي فستان ...مثل لون
الشموس اصفر ..
وابيك انته ..تلبسني ..
تحمل يا يبه ارجوك ..
تمهل يا يبه ارجوك ..
شوي /// شوي
)
وكان آخر ..وصاياها ..
وعلى غفله ...تهور ..
مع سرعة ...بدون حساب ..
ينادي هالرصيف الموت ..
ينادي له ..تعال ..

.تعال ...

تعال...

تعال..

وانتهت قصة...عمر ..انسان
وابتدت ...حيرة.....يتيمه ..
ما اكملت عامها التاسع ..
يضيق بدمعها ..
صمت الشبابيك.. الكئيبه ..
على الجدران ..
تحاول ...تنحر اجابة هالسؤال اللي
تفجر ...في قصيدة حزن ...
بلا..عنوان ..

(
يبه وينك؟!
تعبت انتطر ..
تعبت أتخيل ايدينك ..
يبه وينك ...
تعبت أسأل زوايا البيت ..
يبه وينك؟!
تعبت أسأل ثوبك المكوي
تعبت آشم عطرك
واحضن غيابك ..
يبه وينك ؟!
تعبت اكذب على دمعي
وارتب عيني وثيابك ...
يبه وينك؟!
الف الدار ..واتذكر ....

هنا ..يمشي ...


هنا يجلس ..


هنا يضحك ..



هنا كنا على شانه
نجي نسهر ..


يبه وينك ..
ويقطع حزن هالافكار ..
باب الدار ...
واصيح بصوت ...واتحشرج ..
منو بالباب ؟!..منو اللي دق هذا الباب؟!
انا مابي لعب ..واقلام ...
انا مابي هدايا
انا ما ابي اشوف اصحاب ..
يبه وينك ؟!
يبه .. يرضيك حالي اللحين ؟!
كرهت المدرسه ...والدرس ..
ولا حد فيني حس ...
تذكرني بغيابك...
شهاداتي ..
معلمتي ...
وباب المدرسه ...
والدرس
اصحابي
وعلاماتي ..
يبه وينك ؟!
كلامي يا يبه حارق
كلامي مر ...
وانا اقرا في الدفاتر
هنا ..
(يوقع ولي الامر )
يبه وينك ؟!
من اللي فرحتي تتكحل بعينه ؟!
وضحكاته
يبه ..وينك ..؟!
نجحت ..وتختنق فرحه
وسط صدري ..
تجيني الناس وتبارك ....
وهذا الحزن بي حارث ..
ولا تدري ...
باني يتيمه ..
والسبب حادث)

وبدت تذرف دموع
تشق صدر الليل
سواده ...حيل يشبه له شعرها ..
يشبه له غياب...الاب..
غايبه ..
ما وراه غياب..
ولا يمكن يعوضه ..
القريب / الاخ / والاصحاب
ثقيله هالدقايق
اذا كان الوجع..بـ عمر ..أانسان
بغيضه يالدموع اللي على خدين طفله
بعمر الورد
حزينه يا الاماني ..ليه ؟ّ
حزينه يا الاماني ..ليه ؟ّ

[عهود المحبه]

سارا

اختيار موفق

سلمت اناملك غاليتي

تحيتي لك

[دهمشي]

كل الشكر لك على الطرح الجميل

[فيلسوف الكويت]

سارا
جهود تستحق الثناء والتقدير
يعطيك العافية ودمت متألقا على الدوام
هذا وتقبل مني أغلى تحية ... فيلسوف الكويت

[ذكرى الغالي]

سلمت يداك ياااااغلا
وصح لساان الشاعر
تقديري وامتناني لشخصك وطرحك
ذكرى الغالي

[احلام الماضي]

قٌٍصٍْائد رٌٍآئعًٍهٍَ وٍتُِِّْنْسٌِِّيَقٌٍ آرٌٍوٍعًٍ..
لآخٌِتُِِّْيَآرٌٍكَ وٍذٍَوٍقٌٍكَ
رٌٍوٍعًٍهٍَ آبٌَِهٍَرٌٍتُِِّْنْيَ
دًٍآمً لنْآ نْثٍْرٌٍ عًٍطُْرٌٍكَ آلفْوٍآحٍّ

[غربة الروح]

سارا

اختيار رااائع

يعطيج العافيه

[سارا]

عهــــود ....


دهمشــي ..


فيلســــوف ..


ذكـــرى...


أحــــلام ...



غــربة الـــــروح ...



شكـــراً لتـــــواجـــدكم ..بل شكـــراً لأرواحـــكم العذبة ..