ياذابل الشفه اللي هرجها خدري=ياناعس الرمش في نظره وسلهامه
الخد يزها جماله وجهك البدري = والقد يزها وصوفه فارع القامه
ان جيت مقبل تناثر ليلك الغدري=ضافي جديلك على الساقين واقدامه
ترمي بسهم العيون وكان ما تدري = قلبي صويبك وهذي طعنة اسهامه
الليل بعيونك النجلا حفر قبري =من اول احلام عمري لآخر ايامه
الوقت لاشفت زولك مر بي بدري=كن الدقايق توازي ماضي اعوامه
الشعر مايوصفك لوانتثر حبري = على الورق يا(.....)جفّت اقلامه
لكن عزايه احبك واقبلي عذري=القلب سيف المحبه ناوي اعدامه
لومات حبك ياحبي مانزل قدري=اشوم بأسمي وراسي رافع الهامه
مايكسر القلب غير البعد ياجبري=ولاينزف الجرح الا غربة اوهامه
وشلون ابنسي غرام ٍ نبضه بصدري..؟=ياهاجس البوح والاحساس وهيامه..؟
وياذابل الشفه اللي هرجها خدري=يفداك حرف ٍ رسمتي بصمة ابهامه
تحيتي وتقديري للجميع
الإهداءات
ياذابل الشفه اللي هرجها خدري 
العرض العادي
المواضيع المتشابهه الموضوع: ياذابل الشفه اللي هرجها خدري 
