محاورة بين الشاعر الكبير رشيد الزلامي والشاعر عبدالله بن عتقان

[مشعل الفدغوش]

جرت هذه المحاورة بمحافظة جدة
يوم الأثنين الموافق 1/8/1426ه
بحضور الشاعر الكبير/ مستور العصيمي
والشاعر الكبير/ زيد العضيله
والشاعر الشاب/عبدالعزيز العازمي



رشيد الزلامي
إبن عتقان في وسط البحر والبحر جزر ومد=وفي جيبه حصاةٍ من جبال أسليم شايلها
بعد مامرنا مسرع وقال إلنا سلام وصد=حرامٍ من حزامي مايروح لين يأكلها

عبدالله عتقان
يأبن زيد الزلامي مايصح إلا كلام الجد=إبن عتقان يأخذ وزعته ماهو بجاهلها
مدام إني مجهز للخصوم الكحل والمرود=فيا كثر العيون اللي تطالعني وأكحلها

رشيد الزلامي
نبي نعطيك مايرضيك دام إنك بسطت اليد=ومن دور لها عند العرب لازم يحصلها
تفصل لك ثيابٍ مانبيها ياعريب الجد=على زيد العضيله روح مترها وفصلها

عبدالله عتقان
عسى ربي يكثر خيركم ماني ضعيف أشحد=كبيره يالزلامي طال عمرك لا تكملها
كلامك يالزلامي مالقينا له رجل يشهد=فلا تكثر علومك ياطويل العمر قللها

رشيد الزلامي
نهار اليوم ولا مير هذا ليلك الأسود=تكفي الأوله والثانيه ماني بقايلها
نبي نضغط عليكم لين أحد يجلس وأحد يشرد=وتشعر بالمصيبه فالعظام وفي مفاصلها

عبدالله عتقان
أشوفك يالزلامي تفتل الأشناب وتهدد=نسيت إن الجبال الراسيه محدٍ يزلزلها
تبي تقعد مثل مستور والثاني تبي تقعد=معي زيد العضيله واهجاد اللي نقاتلها

رشيد الزلامي
أقول ونعم لكن لن صدمنا في جبلكم شد=وتصبح عندك الضلعان خاليةٍ منازلها
سليم أصحابنا وإذا بغيناهم كلامٍ جد=نعصر أخشومهم والقوم مانعرف نجاملها

عبدالله عتقان
ترى اللي يصتدم بجبالنا والله مهو مسعد=وهذي ناس نرضيها وهذي ناس نزعلها
سليم أصحابكم تحرم لذيذ النوم فالمرقد=فل تنسى الرجال اللي قديماتٍ فعايلها

[ذكرى الغالي]

صح لسان الشاعران مليون
وسلمت يداك
تقديري واحترامي
لشخصك وطرحك الراقي
ذكرى الغالي

[دهمشي]

كل الشكر لك مشعل

[عبدالعزيز الفدغوش]

جـــهودك محل الثـــــناء والإجلال والتقدير
ولك في نوافذ العطاء المتميز وجود وتأثير

[فيلسوف الكويت]

مشعل الفدغوش



مجهود يستحق الثناء والتقدير

دمت متألقا ... مبدعا ... على الدوام

تقبل مني أغلى تحية .... فيلسوف الكويت