⚡3/12 مجاره يوم الخميس⚡
بعض البشر (ياسعود) مثل العناوين
خالي من المضمون مجرد حكايا
مفلس من الأخلاق سالب ملايين
وش عاد لو يملك بطاقة مزايا
عبدالمحسن عوض الغضوري
⭕⭕⭕⭕⭕⭕⭕⭕
وبعض (البشر) على الفضيله مربين
اهل الفعول وصادقين النوايا
لو كان ماتملك من (المال) قرشين
بس ارصدتهم بالطناخه ملايا
سعود معزي العواجي
⭕⭕⭕⭕⭕⭕⭕⭕
وبعض (البشر) صاير تقل حد سكّين
قطّاع لاعراض البشر والبرايا
واليا نصحته ماتقل سامعٍ شين
تقول مابه للنصايح / خلايا !
تركي فلاح القروعي
⭕⭕⭕⭕⭕⭕⭕
وبعض (البشر) وافي ومن ناس وافين
معطيه ربه من جميع المزايا
به طيب صمت وصفح وافي وبه دين
متميزا من بين كل البرايا
مساعد مزعل العنزي
⭕⭕⭕⭕⭕⭕⭕
الصدق له مبداء وعرف وقوانين
والشعر يعكس لك عقول البرايا
يامحسن المعنى جزيل المضامين
شف كيف رد( سعود )نسل الدهايا
ترجم ماحاك بخاطري احمر العين
بنك الرجال من الفعول الملايا
زاحم ابن نومس
⭕⭕⭕⭕⭕⭕⭕
الطيب قسمه للرجال الميامين
والا الرديه رأس مال الردايا
اللي فعايلهم بليا مضامين
فوق الردا ياخوك شين النوايا
خالد الركعان
⭕⭕⭕⭕⭕⭕⭕
في محكم التنزيل رب النبين
ربي مدح نبينا ،،،،،،بالسجايا
الله يجنبنا فعول ،،،،،،الرديين
يالله حسّن خلقنا ،،،،،،والنوايا
زياد النعمان ༄(( بحرالشمال )) ༄
⭕⭕⭕⭕⭕⭕⭕⭕⭕
بعض البشر من دون ربعه حمر عين
واليا نخا ربعه تحضر سرايا
وبعض البشر لا فيه نخوه ولا دين
هذا شبيه البو يااهل المطايا
عـبــدالعزيز قــالــط الطــويلــعــي
⭕⭕⭕⭕⭕⭕⭕⭕
الكذب والبهتان سلم الرديين
واطيب وهبه مثل قسم المناياء
الي لبس ثوب الرجال الوفيين
يصر وافي بالفعل والحكاياء
عبدالكريم الجبوري
⭕⭕⭕⭕⭕⭕⭕
الإهداءات
مجارة مع أبناء العمومه 
العرض العادي
المواضيع المتشابهه الموضوع: مجارة مع أبناء العمومه 
