قصيدة نشرت لي قبل ثلاث أسابيع في مجلة اليمامه وأود أن اشكر صديقي وأخي الشاعر الجميل والإعلامي المتميز/عبدالعزيز بن علي الشلاحي المطيري الذي شرفني بهذا التكريم لأكتب عن شخصية عالمية أشاد بهذه الشخصية العالم وأبهر العالم وقياداته بخططه وأفكاره والتي أرست الأمن في بلادنا بعد الله سبحانه وتعالى
ألا وهو سيدي صاحب السمو الملكي الأمير نايف بن عبدالعزيز آل سعود
النائب الثاني ووزير الداخليه....
حفظه الله ورعاه وجعله ذخرا لنا ....
مدخل
دام باقي في ثرانا من بقايانا ليالي=والله ان الموت غايه نزهمه فرد وردايف
{سمو المجد}
دام عزك ياوطنا بيرقك دايم يلالي=(محتضن أغلى شهاده) رفرف بذيك النوايف
عن حدودك ياوطنا مرخصين(ن) كل غالي=دام دونك كل حد(ن) يحرسونه (عين نايف)
كل ساعة في حياته حطها لك مايبالي=الأمير اللي جنابه يحتمي به كل خايف
في يمينه سيف(ن) أملح مارَضَى غير العدالي=بالشريعة صان عهده واحترم كل الطوايف
نايفٍ(ن) جيشٍ(ن) لحاله لابدا هوش وقتالي=كم معادي من دلاله يشرب الفنجال كايف
حارب الإرهاب وأفنى بالعزم روس الضلالي=لين سود عيونهم في دارنا صارت كفايف
قيل عنه في زمنا قايدٍ(ن) ماله مثالي=وقيل عنه في زمنا نادر ولا له وصايف
الفريد اللي جنابه مارضى غير المعالي=الحكيم اللي ثقال(ن) أصبحت عنده خفايف
والمكارم من سموه مالها حد ومجالي=كم ضرير(ن) من سخاءه بالليالي صار شايف
من يدينه لليتامى ينفجر ماءٍ(ن) زلالي=بلل حلوقٍ(ن) يتيمه لافها بالوقت لايف
لو سألنا المجد منهو توأمك بين الرجالي؟؟=وقّف... بقمة شموخه..وابتسم واشر لنايف
مخرج:
ياسلام الله عدد مالاح براقٍ لعين=للرجال اللي وجدنا...حرصهم مايوم غاب
عزهم شوفة وطنهم آمنٍ عبر السنين=هو ذُخُرُهم في زمنا....لاعقار ولا حساب
ماتهنوا في منام وفيه ناسٍ معتدين=جاعلين ارواحهم مرهونةٍ لأغلى تراب
راسهم بيرق يرفرف والشهاده في الجبين=والعلا طرفٍ يخايل ...واليدا..شلفا ذياب
ياوطنا ...شف جنودك ساهرين ومخلصين=دام عزك ياوطنا ..والوعد فوق السحاب
[/quote]
الإهداءات
سمو المجد(صاحب السمو الملكي الأمير نايف بن عبدالعزيز) حفظه الله 
العرض العادي
المواضيع المتشابهه الموضوع: سمو المجد(صاحب السمو الملكي الأمير نايف بن عبدالعزيز) حفظه الله 
