اي والله اني ساهر لي على ماش

[نادر الروقي]

المشاركة الأصلية كتبت بواسطة احلام الماضي

شـــــآعرنــآآآ

نـــــــــــآدر الروقي

صح لسانك وأعتلى شانك

أبيات في قمة الذوووق

ويعجز اللسان عن مدح قريحتك ماشاء الله

لاهنت يالغالي

مشرفتنا الغاااااااااااااليه

احلام الماااااضي

صح بدنك والله لايهينك على الكلام الطيب

وسلمتي ودمتي

[نادر الروقي]

المشاركة الأصلية كتبت بواسطة ليان

الله الله
صح لسانك استاذي
نادر

سلم لنا قلمك


تحياتي
ليان

صح بدنك

ياكاتبتنا

وسلمتي ودمتي

[ضامية الود]

المشاركة الأصلية كتبت بواسطة نادر الروقي

مساء الخير للجميع

وهذي احدى قصائدي المتواضعه




اي والله اني ساهر لي على ماش
إن كان تنشد ويش سبة سهريا

اقلب افكارٍ نشت باوسط الجاش
متمركزه في سد ضلع النحريا

الها على المعلوق ودان وارهاش
ارهاش وسميه سقى وانهمريا

لاكن ما اسقت ساق نبتٍ غدا اهشاش
اهشاش لاهب الهواء ينكسريا

ولا اسقت كبودٍ ضامياتٍ وعطّاش
يبست وبان ابها الشلخ والفطريا

ولادرجت سيلٍ مع الريع خداش
ولابان في قاعه رسوم وحفريا

ماهلت الا سم زحاف لاهتاش
فوق الجروح الي شكت من كسريا

من حزة المغرب ليا وقت مغباش
مابان فيها نجمها والقمريا

وانا اشهد ان مناحر الوقت ماعاش
يونس طعونٍ فالنحر والظهريا

ميت ولو هوحي فالقاع يعتاش
وحتيش لو لخطاه جره واثريا

وحتيش لو شفته تعنى بمطراش
ماكل طيرٍ يطرحه فالشجريا

هذا سواتي للمقادير غباش
ولااخذة منها خير ولاخبريا

وقتي يقلبني على سبال نقاش
الي نقش كفه بليل السمريا

ليا نقض مجدول راسه بشوباش
يضفي على قلوب العذارا حسريا

وانا الذي في غبة الوقت طواش
طواش ماحصل بطون المحريا

الي لقاها راعي العيب واللاش
لو كان مايسبح بغبة بحريا

ولانشت منها شي يوم الردي ناش
وعساني معوض بيوم الحشريا

حزه على شيٍ وحزات ماهناش
وحزه على روس العقد والعسريا

وحزه بسلتن واكثر الوقت عكراش
وفحولها فيها تقب الهدريا

وحزات شيصٍ ناقره طير الاعشاش
وحزه بفذه من خلاص التمريا

وحزات ناب الوقت للكبد نهاش
ينهش طرفها نهش ذيب الحجريا

الي عوا فهضاب من قل الادباش
لاحق عليه الجوع رابع عصريا

وحزه بدر إهجال وضحٍ كما الشاش
وحزات مالقا غير در الفطريا

وحزات مالقا در من صابها خباش
لو جيتها سمح ارمحت وانتثريا

وحزات ابل الريق من مالح الطاش
وحزه على عدٍ قراح ونهريا

وحزات ارد النفس ما ارضى التعرماش
وحزه على جنوب الغنم والهبريا

وحزه يطيب النوم بلحاف وفراش
وحزات نومي مثل برق السمريا

وليا قرب جفنٍ من الجفن بارماش
غصبٍ على عيني تهل العبريا

ولا ابديت مكنون الضماير لفتاش
بعيد ولا من قريب البشريا

ولا لرفيقٍ يزبنه كل هتاش
يشكي زمانٍ بذ منه الصبريا

ولا ني ضعيفٍ يشتكي كل منّاش
والي جرا له من لسانه ظهريا

خلقني الله مثل ابانات وإعكاش
صلفٍ ولو هب الردا من دهريا

ضلعٍ ولايشكي لراع التوشواش
ولا يشتكي للي براسه سطريا

والي بقى فالصدر والصدر اله حاش
ياناشد المضمر عن الي ضمريا


وسلامتكم

اخوي نادر الروقي

الف الف صح الله لسانك

وقلبك علي البوح الراقي

ابيات في غمت الروئعه

تحياتي لك

[نادر الروقي]

صح بدنك

يامشرفتنا

ولاهنتي على المرور

[فيلسوف الكويت]

صح الله لسانك

وأعلى من شانك

لا خلا ولا عدم ... على هالرائعة

تقبل مني أغلى ... تحية فيلسوف الكويت

[نادر الروقي]

صح بدنك

يافيلسوف الكويت

وسلمت ولاهنت

[مشعل الحبلاني]

ألف شكر لـــكـ

قصيدتك مميزة جدا

رائع دائما بـما تقدم من موضوعات

مـــــشـــــعـــل الــــــحـــــــبلانـــي

[نجديه وكلي فخر]

صح لسانك مليون

أبدعت ولا يستغرب الإبداع عندما يأتي من أهله

دمت ودام لنا حضورك المميز

يعطيك ألف عافيه

وبأنتظار جديدك القادم

وتقبل مروري المتواضع