أساتذتي الكرام
هذه خربشة من خربشاتي المتواضعة
عسى أن تنال إستحسانكم
أليكـم يا عرب مني رســالة خطــها محــزون
رسالة مــن مواطــن خطها والنفس ملتـــاعة
أنا مشكي لكم فقــري ولا إنـي ثقيـــل ديون
ولا أطلب رضا منكم ولا تــوسل ولاشــفاعة
أدري يمكن تقولــوا رسالــة خــطــها مجنون
نعم مجنــون لكنــه ضميــر حــــي مــا باعـه
رسالة والله تتكلم بلسان المسـلم المــخيــون
بلسان العربي المخلص قــدم كل ولا وطاعة
ينادوكم بعالي الصوت يريـت بحالهم تـــدرون
شعب(ن) يا حسافة عليه يقاسي كثرة وجاعه
في لحظة صفا يحلـــم بأنكـــم يــوم تجتمعــون
وأنكم يوم يا ســـــادة نداهــم تقبلــوا ســماعه
مواطنكم يناديكم ودمعــــــه ما بقــى بلعيــون
وطوفان العنى العاتي عناه ومـــزق شــراعه
لكل اللي جرى وحاصل شعبكم يدفع العربون
ذاقو الويل والتنكيل وعاشــوا الــذل بأنــواعه
بأسم كل مسلم وعربي رسـالة قولها مضمون
بلا وحــدة يا خلــق الله فيــنا الكــل طمـــــاعة
ألا يا ســادة البتــرول والملــيار والــتــرليــون
وكنوز(ن) مالها طائــل بلا معنــى ولا نفــاعة
أبيكم تسمعو قولي وخلــوا لــي يكــون يكـــون
رســالة أقــولــها منــي وسمعــوها وبقناعـــة
سلاح(ن) تملكوا أنتو يخلي عدوكم مــرهــون
أمره في أيــاديكــم وربــي تكســروا ذراعـــــه
سلاح القوة بترول(ن) بأراضيكم غدا مخــزون
أبيكم توقفــو البتــرول عنــهم بــس لو ساعة
نعم والله بس ساعة يجوكم يركضــو يلهثــون
يبوسو تراب دستونه بذل نفوس خضــــــاعة
يمكن تحسبو قولي كلام(ن) من شفا مجنــون
ويمكــن كل ما قلتــه أبد مــا تقبلو سمــــاعه
ويمكن باكر أو بعده أكون بسجنكم مسجــون
عادي والله ما يفرق وأبــد ما أطلــب شفــاعة
لكم قولي من الخاطر وأنا أشهد ترى مــوزون
قولي كالنجم ساطع ضــــوى دنيـاكــم شعــاعه
خذوها حكمة(ن) مني هذا الصافـــــي والمكنون
أبد لا تغركــم ضحكــة بــها أســنان لمــــــاعــة
عدوكم ياعرب ماكر عدوكم ماكـــر(ن) ملعــون
هــذا اللي تــودونــه الغــدر والمكــر أطبـــاعه
على ذكرى المكر أصلا يضرب بالمثل شمعون
ينادي بالسلام أعلان وأصل الخبث بنخـاعــــه
مدام إن اليهودي في كتــاب الله هــو ملعــــــون
وشهو اللــي تريدونه بعـــد يعطيكــم قنـــاعــــة
كم من صادق يهودي غدى وسط الظهر مطعون
حسافة قالها مرات على عمره وعلى ضيـــاعه
وخوفي تمدوا أيديكم وغيــــر الـذل ما تلقـــون
وخوفي على الجمل يا قوم بيوم ينوخ برفـاعـه
وإذا ناخ الجمل يا ناس صعبه قومته بالعــون
وتنفـذ حـــيلة الجمّـال كيف يعبــّــر متــــاعــه
وساعتـــها عليم الله وش هـــو حالهم بيكـــون
فريسة فــي أياديهــــم ناس لـــدروب قطاعـــة
رحمنا الله برحمته
الإهداءات
ألا يا سادة البترول 
العرض العادي
