هلا وغلا بالغالي الشهم الكريم=همـز الوصـل بين القرايب والرّحم
هلا وغلا باللي لنا دايم نديم=من شوفته كل الجراح بتلتئم
طيّب حنون من الردى دوماً يشيم=باذر دروبه بالمحبه والقيم
( جمْع الشمل ) معروف عنّه من قديم=عزالله إنْ الله رفع فيه الهمم
عند الغضب صدره وسيع ٍ وحليم=مشهود عنْه الحلم مع جود وكرم
عن المواطي البايره رجله تشيم=يذكر جميع الناس بخير ولا يذم
يمشي على وضح النقا ماهو بْـ لئيم=له حجة ٍ متأصّله ماهي بْـ وهم
حبل الوصل في جانبه عدل وقويم=كل الخِلال الطيّبه عنده تتم
فكره سليم رآيه حكيم ومستقيم =وهامته مرفوعة ٍ فوق القمم
أخ ٍ كريم وابن كريم عاقل فهيم=تراه أخوي أخوان من لحم ٍ ودم
أنا أطلب الله يحفِظَه من كل ضيم=اللي جهوده مخلصه بوجه ٍ أعم
ويعطيه ما يرجيه من رب ٍ كريم=من صحة ٍ وعافيه بِلا سقم
وآختم كلامي بالصلاه من العظيم=على النبي خير البشر بين الأمم
محمّداً رسولُ ربّنا الرّحيم=مبلغاً عن ربّه خير الكَلِم
’،
جوهر الراوي 
الإهداءات
الشهم الكريم ...!!! 
رد: الشهم الكريم ...!!!
العرض العادي
المواضيع المتشابهه الموضوع: الشهم الكريم ...!!! 
