سيارة فلكس - فورد FLEX-FORD

[جوهر الراوي]

قبل فترة كنت بالمملكة الأردنية الهاشمية الشقيقة في زيارة قصيرة وأثناء تجوالي ومن بصحبتي مر من أمامنا هذا المركب العجيب فلفت انتباهي مع أنني أراه دائما في الرياض ولكن أعجبني أكثر هذه المرة فهاضت قريحتي بهذه الأبيات المتواضعة وهي لمجرد زرع الإبتسامة في وجوهكم البشوشة ليس إلا ...!! قالوا :شُو مالَك.؟ قلت هالمركب الزين=هو مشغل ٍ لي بالي والحال منحاس قالوا نجيبه كاش والاّ على الدين=أمره سهل .! وآمرك على العين والرآس قلت آتمنى .! ولي من الوقت اسنين=واللي يشوف الوضع بيقول لا بآس شكله عجيب وروعته تبهر العين=فورد ٍ أخذ عقلي وسبب لي هوجاس صناعة آمريكا ماهو صنع هاوين=حرافة الإتقان مع فن واحساس له فزة ٍ تشبه لفزّات غافين=وله سرعة ٍ أسبق من الفهد لا داس هو منوتي من كل نوع الصوالين=هو في ضميري ساكن ٍ رغم الآفلاس من هو يجيبه لي .؟ وله مني شكرين=شكر الفضل مع شكراً بليّا مقياس وآلفّ به بالمملكه آسبوع وآثنين=مع رفقة ٍ شهمه ولا فيهم آخساس ندوج في فيافي العز ونْسين=رفاهة ٍ للنفس مع طيب نوماس هذا رجاي وربيّ يسمعني الحين=يا ربيّ صلْ على النبي خِيرة الناس

[ذكرى الغالي]

رااااائعه
سلمت يداك التي تصوغ الجمال
صح لسانك مدد بلياا عدد
تقديري واحترامي لشخصك وبوحك الراقي
ذكرى الغالي

[سامي احمد]

انت ساحر وش درّك انها على بالي اليومين هذي وانا ناوي اشتريها قبل المدارس

والسياره شكلها غريب واعتقد الشكل مقتبس من سيارات جيش هتلر في الحرب العالمية الثانيه

صح الله السانك ابدعت وامتعت
تقبل الورد والنجوم
ابو احمد

[شجون الليل]

رائعه بروعة شاعرها
صح لسانك
تقبل مروري

[مساعد الخالدي]

فعلا سياره روعه
والاروع ماكتبت اخوي جوهر

صح لسانك

ابداع رهيب

تحيااااتي

[احلام الماضي]

صح لسآنك وعلى شآنك ..
آبيآت في قمه آلروعه وآلجمآل ..

يعطيك آلعآفيه ,

[جوهر الراوي]

المشاركة الأصلية كتبت بواسطة ذكرى الغالي

رااااائعه
سلمت يداك التي تصوغ الجمال
صح لسانك مدد بلياا عدد
تقديري واحترامي لشخصك وبوحك الراقي
ذكرى الغالي

شاعرة الخليج المميزة

ذكرى الغالي

لله درك ما أروعك

أسعدني مرورك وتنسيقك

روعة في كل شيء يا أميرة

كل الود والورد لك مع فائق التقدير

[جوهر الراوي]

المشاركة الأصلية كتبت بواسطة سامي احمد

انت ساحر وش درّك انها على بالي اليومين هذي وانا ناوي اشتريها قبل المدارس

والسياره شكلها غريب واعتقد الشكل مقتبس من سيارات جيش هتلر في الحرب العالمية الثانيه

صح الله السانك ابدعت وامتعت
تقبل الورد والنجوم
ابو احمد

ههههههههههههههههههه

والله يا بو أحمد الظاهر مزاجك طلع نفس مزاجي
الراقي مزاجه راقي ورايق
فعلا سيارة عجيبه وأول مرة أتغزل بالحديد
تصميم حلو صراحه
أسعدني مرورك العاطر يالصاحب السامي

صح بدنك

كل الود والورد يالغالي وشكرا على النجوم يا قمرهم