موضوع صعب حيل الاجابة عنه باختصار ..
لكن أبي أكتب مفهومي عنه
الدرسعي والابجدي والرياحي رموز تنحط بالقصيدة وهي رموز معروفة ، واللي يعرفها يقدر من خلالها حل الشفرة بالمسطرة ..
ونوع آخر من الترميز وبابه واسع مثل انك تذكر صقر وعصفور في قصيدة وان العصفور هزم الصقر والطريقة اللي هزمه فيها تكون مرمزه ، وهني نقول من يقصد الشاعر بالصقر وبالعصفور ؟.
أما اللي قاعد نشوفه الحين من قبل بعض الشعراء ويسمونه ترميز فما يمت للترميز بصلة ، وأقدر أقول انه خرابيط يستخدم فيها بعض الكلمات المجلوبه من أعماق التاريخ لكن مع اظهار معني هذي الكلمات تبقى القصيدة خيطي بيطي .. لا ترابط ولا هم يحزنون.
وتقدر تقول انه ولع بالغرائب واضفاء هاله من الغموض على الشاعر بحجة انه فلته ومن هالكلام وابعاده عن سهام النقد والتشريح المهني للقصيدة وتقييما أدبيا.
وبمعنى أوضح شعراء الطلاسم ما حولك أحد وكل المعروف عنهم انهم شعراء طلاسم ولا لهم أبيات محفوظة ومتطاولة كأبيات يستشهد فيها وتعبر عن مواقف مثل ما نستشعد بكثير من الأبيات الفصيحة والعامية.
هذي وجهة نظري
الإهداءات
رد: النتاج الأدبي بين الوضوح والغموض ؟
العرض العادي
المواضيع المتشابهه الموضوع: النتاج الأدبي بين الوضوح والغموض ؟ 
