ديوان الشاعرة أحلام مؤجلة ؟

[أحاسيس دافئة]

روووووووعه وبالتوفيق لك يالغاليه

[أحلام مؤجلة]

المشاركة الأصلية كتبت بواسطة أحاسيس دافئة

روووووووعه وبالتوفيق لك يالغاليه

الاروع حضورك الغالي لاعدمتك

شكراً من القلب
نورتي المكان

[أحلام مؤجلة]

‏

‏
‏
‏
‎‏صوت ناي وهيجنة قوس المشاعر ع الربابه
‎‏جابها ليل الحلم صدفة على بالي .. وجابك
‎‏
‎‏جاب صوتك مع مواويل الوله حزن وعتابه
‎‏جاب ريحة عطرك الباقي على غالي ثيابـك
‎‏
‎‏كنت أحلم كل ليلة .. كانت احلامي غلابـــه
‎‏مابها غير القصيد و ضحكي وحضرة جنابك
‎‏
‎‏كان أكبر حلم ..عندي بنتي تناديك " بـابـا "
‎‏كانت أغلى امنياتي يمطر عروقي سحابـك
‎‏
‎‏كنت أنتظرك بشاير "لـ اللقـا" وأوقف بـ بابــه
‎‏وأعبر حدود الزمان وأسبق الخطوة لـ بابك
‎‏
‎‏كنت كوني وبـ كياني دعوتي وقت إستجابه
‎‏كنت قلب بـ كل لحظة ضيق مرت به هقا بـك
‎‏
‎‏والسؤال اللي يحـز بـ خاطري وابغا جوابــه
‎‏كم كتبته بالقصايـد .. أسأل الغيب وغيابـك
‎‏
‎‏كيف ترضا حد غيرك بنتي تناديه .. " بـابـا "
‎‏ووين تلقا غير قلبي لو طريقك بك غدا بـك


‏
‏
أحلام مؤجلة
سنابي وانستغرام - ahlaami2
تويتر - ahlaami
‏
‏
‏
‏

[أحلام مؤجلة]

‏

‏
‏
‏
‎‏ نلوم الوقت ونعلق خطانا بـ مشجب الايـام
نبرر ضعفنا دايم بـ قول ضروف ماترحـم
.
ونقضي وقتنا نهرب من الواقع إلى الأحلام
عسا بـ الكذب لو صدفه نحب وشملنا يلتـم
.
وإذا شحّ اللقا نفتح شبابيك الوصال أوهام
يجوز لـ من فقد لـ الـما من الموجـود يـتيمـم
.
نعيش الكذبه البيضاء بأن اللي نبيه ختـام
وبكـره يبتسـم وجه الزمان بـ وجهنـا مرغـم
.
ولا نلقا سوا خيبة تسوق بـ دربها الأقدام
ندوٌر لـ الفرح موعد ولـِ جروح القلب بلسـم
.
خطاوي العمر تسبقنا وعامٍ يقتفي له عـام
مابين الحزن والفرحه ، وبين الحلو والعلقـم
.
نطيـح ونوقـف ونرجـع نطيـح وحظّنا ماقـام
أفـا ياحظّنا المايل متى من طيحتـَك نسلـم ؟
.
حظوظ الآدمي أرزاق ماتشـرا ،، ولاتنسـام
كريم الله هو يعطي ، وهو يمنع ، وهو يعلـم
.
لنا آمااال نودعهـا بـ يـد اللي أبـد مانـام
عساه فـ يوم يرزقنا ونرضا باللذي يقسـم
.
بـ يومٍ بـه صحايفنا تجـفّ وترفـع الأقلام
وعن كل الذنوب اللي جناها ضعفنـا نكرم
.
هناك نعيش مانشكي من الفرقـا ولاننضام
ويجـزا كلٍ بـ صبـره ..سعيد بـجنته منعم

‏
‏
أحلام مؤجلة
سنابي وانستغرام - ahlaami2
تويتر - ahlaami
‏
‏
‏
‏

[أحلام مؤجلة]

‏

‏
‏
‏
‎‏ الليـل روّح وهـو عجـلان
والنوم عيـّاااا يخاويني

الله حسيـب الهواا يافلان
حرّم منامـي على عينـي

ناديت بإسمك وانا حلمان
رديت وينـك ... وانا وينـي

منهو سرا بك من النسيان
جابك لـ دربي تراعيني ؟!

قلت الصراحة وانا نعسان
شفتك فـ حلمـي تنادينـي

لبيييييه جيتك وانا شفقان
عـااادتـك داااايم تعنيني

وان كان دربـك بلا عنوان
بأمشيه وادري بيشقيني

جيتك وقلبي معي ولهان
خذنا حـلالك .. وهنيني


‏
‏
أحلام مؤجلة
سنابي وانستغرام - ahlaami2
تويتر - ahlaami
‏
‏
‏
‏

[أحلام مؤجلة]

‏

‏
‏
‏
‎‏


لاتشعل النار يكفي جمرة ضلوعي
هبـّت عليها رياح الشوق واشتبـّت

مبغاك تلمح بــ عيني غيمة دموعي
مبطي دموعي سترها الليل وتخبـّت

ياليت كان الزمن يمشي على طوعي
وارجع صغيرة ولا في عمرها حبـّت

تبكي عيوني بنص الليل من جوعي
مـ ابكي غيابك ونار الفقد لا شبـّت

طفلة بسيطة ولا في بنت من نوعي
مازاد همـّي ومنـه اكتوفي احدبـّت

مـ اسهر وحيدة وكل العالم هجوعي
تبـت يدين السهر ياصاحبي تبــّت

مااغبت عنـّك ولاالصده من طبوعي
ولا بعت غالي غلاه بـ قلبي تثبـّت

قم طف نارك وجمر الشوق وشموعي
يمكن تشافـى جروح بـ عزك تربـّت

لاعاد تطري حنين الأمس ورجوعي
ماتت من اللي .. اذا ناديتها لبـّت



‏
‏
أحلام مؤجلة
سنابي وانستغرام - ahlaami2
تويتر - ahlaami
‏
‏
‏
‏