قالو علامج قلت مدري

[ضامية الود]

قالو علامك قلت مدري علامي
اقطف من الأيام ثمرة دهرها

وقالو وش المحصول يابن الكرامي
قلت العنا والهم حالي دمرها

وقالو علامك قلت كدر منامي
عيني تبي الغفوات وقلبي عسرها

تذرف دموعن بالمحاجر مكامي
من الي بصدري كاتماتٍ عبرها

من رافق الهاجوس مابه سلامي
يادق باب القلب ليله سمرها

ولاتنشدوني ياعرب وش مرامي
ولاتبحثوني عن خوافي كدرها

وقلتو علامك قلت هذا كلامي
وعسى الولي يفرج لعيني سهرها

ونطلب ولي العرش حسن الختامي
ومن يطلبك يا لله لا تعتسرها

ياعالمٍ ايامها وشهورها والعوامي
ياحصي مابالكون عدت بشرها

والخاتمه صلو صلاة وسلامي
علي النبي راعي الرساله نشرها

الشاعرة ضامية الود

[عبدالمحسن المفلح]

انااشهداني بنت من اهل الحمايـل>لي الفخرفـي عـزوت الوايليـه*

ونعم الشاعره القديره ضامية الود
وصح لسانك

[عبدالعزيز الفدغوش]

صح لســانك وأعلى الرحمن شأنك

وأجدت وأحكمت في طرحك وبيانك

[ضامية الود]

اخوي عبد المحسن المفلح
صح ابدانك وعتلا الرحمن شانك
ويسعدني مرورك
تقبل تحياتي وتقديري

[ضامية الود]

اخوي عبد العزيز

صح ابدانك وعتلا الرحمن شانك
ويسعدني مرورك
تقبل تحياتي وتقديري

[مزبن الجاني]

تسجيل حضور ولي عوده

[مزبن الجاني]

ضامية الود

ارويتنا شعرا
ابدعتي واقنعتي

والابداع لا يستغرب من هبه

[ضامية الود]

اخوي مزبن الجاني
صح ابداك وعتلا شانك

والف شكر علي مرورك