يالله عسى من غاب يرجع على خير
واخط له من نَــــــزْف قلبي رساله
:
مضمونها نبضــي غدا يشبه الطير
في غيبته مجنـــــــونِ بالْفين حاله
:
يِرِف من كثر العَنَــــــــا والمخاسير
خَســران فَــرْح وضيقته في مجاله
:
الغُصْن ذابِـــــــــل فَاقدٍ لَهْ عصافير
والصُبـح شَاحِب كَن قَلبي شكى له
:
ليت الصُدُود اللي حصـل فيه تبرير
ويِجِيــــــه عذرٍ يرتجــــي في وصاله
:
حُبَّه سكـن في خافقـي دون تخيير
قَدْرَه توسَّــــد كل ضِلــــع ورقى له
:
زرعت له بااقصــــى خفوقي نواوير
وشيَّـــــدت له قصـــــــرٍ تَعلاَّ لحاله
:
وصبيت له فنجــــــان حبٍ مباهير
صبّيت لجلــــه صافـــــينٍ من دلاله
:
لو هو يجـــي بااســوق يمَّه معاذير
عُمــــري فـــــداه وكل مابي حلاله
:
ياللي تغيب وقـــــدرك بْخافقي غير
هوّن على المشتـــاق وارفق بحاله
:
لجلك يسخّــر كل الاشعـــار تسخير
حتى الفصيح يسطّــر أجمل خصاله
:
يدري بـــــأن الحُب دربــــه مخاسير
ويدري بأن القُـــــرب منك اسْتحاله
:
لكنّ قلبــــــــه ذاب من دون تفكير
جاك ورجــــاك وشــــد يمِّك رحاله
:
أما قبلـــتِ الحُب يااغــــلا الغنادير
ولا نهيتِ القلب بااخِـــــــــر رساله
:
:
:
عبده حكمي
الإهداءات
♥ الغُصْن ذابِل فَاقدٍ لَهْ عصافير ♥ 
العرض العادي
المواضيع المتشابهه الموضوع: ♥ الغُصْن ذابِل فَاقدٍ لَهْ عصافير ♥ 
