محاورة بين الفدغوش وابن هادي ؟
بينما كنت أتجول بين المواقع وجدت هذه المحاورة التي جمعتني بالزميل أحمد بن هادي وذلك
عام 2007م وقد نسيت أمرها إلا أن الزميل قد طرحها في أحد المواقع فقمت بنقلها مع مقدمتها :
تحية طيبة للجميع
وأسعد الله جميع أوقاتكم بالمسرات هذة محاورة من المحاورات الجميلة التي
لعبتها وأخترها لكم وارجو أن ترتقي لسمو ذائقتكم .. ودارت رحاها بين كلا من :
الشاعر : أحمد بن هادي الكندي
والشاعر والإعلامي المخضرم
عبدالعزيز الفدغوش
وكانت في عام 2007م ... وكانت البداية من عنده فقال :
عبدالعزيز الفدغوش
سلام تسليمة ٍ توجد جميل انطباع=للي وفا وانتقى من كل فن ٍ بديع
في بيتنا يرتفع في كل عزٍ شـراع=مادام ستة اركونه تنتهض به جميع
احمد بن هادي
يامرحبا باقيه فيها رضا مـا يبـاع=يالله عسى ليلنا من كلّ خيرن صنيع
والدّار ِ داري أنا ماهي بديرة صراع=رغمَ الجروح َ الغريبه جوّنا هوْ ربيع
عبدالعزيز الفدغوش
يا مرحبا عد من طافوا طواف الوداع=والله يستر من اللي سيـروا للبقيـع
الزرع وسط الصبخ للجهد أكبر ضياع=واللي زرع زرعته لاشك فيها تضيـع
احمد بن هادي
ودام البقا ياعميلي والمعانـي شعـاع=لا ..يختلف ليلها لا ..يختلف لا ..تبيع
والمشكله حاصله ولو لبسنـا قنـاع=يالله عسى كلّ مغرورن بشعره صليع
عبد العزيز الفدغوش
لو هد فيروز وأحفاده كثير الضبـاع=ما زعزعت في عمر قلب ٍ قوي ٍ شجيع
في درته موقف ٍ جمع الخطأ والسبـاع=ما دام حاضر وابو حنوف بأمره يطيع
احمد بن هادي
يا ذيبنا لا خلا والله يديمك ذراع=وانا اشهد ان الذيابه فالوغا ما تميع
منهو تحدّى خسر وارماحنا له مناع=واللي شرانا وفا يلقى وفانا صنيع
عبدالعزيز الفدغوش
من صوب سدران بعض الناس جاه اندفاع=ومن قبل ذات السلاسل عارفينه لكيـع
ما يامنه بالـورى الا ضبـاع ورعـاع=والا مثير ٍ علـى مبـداه مثلـه وضيـع
احمد بن هادي
منهو يصدّق عذوله دايمن فـي نـزاع=يخسر رفاقه وقلبه دايمـن هـوْ شليـع
والعلم ِ ماهو صحيحن لا تصدّق رضاع=يبقى الأسد في عريبنه شامخن لا تذيـع
عبدالعزيز الفدغوش
راجع معان الهدف من قبل يرعـف يـراع=والعلم مع صورته يقرأ بصـوت المذيـع
مابـي قوافـي فقـط ياصاحبـي لاتبـاع=خلك بطرق و هدف وأحداث وقتك ضليع
احمد بن هادي
كنّه جبل في بحرْنا غارقـن يالرّبـاع=فاضت عليه َ البحورَ الهايجه وْهو خنيع
يالله عسى ربّنا يرحمْ بحـالَ الجيـاع=دنيا غريبه ولا فيها شكـورن قنيـع
عبدالعزيز الفدغوش
وين أنت يا موفي المعنى وصاع ٍ بصاع=يا غايب ٍ عنّها يا درعها يـا وديـع
من يشتري للذهب في خبرته وإطلاع=من قبل صرافها يرحل بشكل ٍ سريع
احمد بن هادي
الله على ظرفنا والا المقابـل طمـاع=وانت َ الرفيق الخوي ياللي جواره متيع
سعر الذهب ياعميلي زايدن برتفـاع=والفايز اللي شراله شروتن من شبيـع
الإهداءات
محاورة بين الفدغوش وابن هادي ؟ 
العرض العادي
المواضيع المتشابهه الموضوع: محاورة بين الفدغوش وابن هادي ؟ 
