الجراح***

[مسيوبوتاميا]

اسم الشاعر/ سالم سيار

اسم القصيده/ الجراح
--

عسى ماازعلتك البارح وزودت الجراح جراح
عسى مامرت الدمعه على اهدابك من اسبابي

جرحتك من كثر شوقي وخليت الكلام رماح
ولاادري شلون ياعمري طعنتك حيل بعتابي

بدون شعور صدقني ترى كثر الغلا ذباح
تعال وشوف بغيابك غلاك شلون سوا بي

حرام تغيب من عمري وتعطيني الفراق وشاح
حرام الدمع في عيني مناديله هي اهدابي

غيابك يشغل عيون الزوايا وامتلي اشباح
وانا انثر صوتك بقلب المكان واشعل ابوابي

تلفت للامل دام الرجا في عمري المنواح
اناديلك ولو شرهك وصولك تقطع اعصابي

ابيك الجاي من عمري انا ماابيك شي وراح
مدامك اجمل واخر مدامك اول احبابي

ابي ارتاح ياعمري انا ادري هم تبي ترتاح
تعال وقبل ماافرح ترى تفرح بك ثيابي

احبك يابعد عمر الحزن والجرح والافراح
احبك كثر مانامت عيونك داخل اهدابي
راقت لي
مسيووو

[جوهر الراوي]

لله درك مسيوووو ما أروعك

ذوق رفيع تمتلكينه أيتها الرائعه

كل الود والورد لك

[نوف الشموخ]

روعه يامسيو

تحياتي

[عهود المحبه]

مسيو

ذوق رائع يالغلا

سلمت اناملك

تحيتي لك

[فيلسوف الكويت]

مسيوووو

دائمـاً تأتـي بكـل مـا هـو جميـل

تــتــألـــق الـمـعــانــي والأحــاسـيـــس

وهـــي تــســـبـــح فـي شـــواطــئ افكـاركـ

هذا وتقبل مني أغلى تحية .... فـيـلـســوف الـكــويــت

[مسيوبوتاميا]

المشاركة الأصلية كتبت بواسطة جوهر الراوي

لله درك مسيوووو ما أروعك

ذوق رفيع تمتلكينه أيتها الرائعه

كل الود والورد لك

شكرا لتواجدك الألق
استاذي الكريم جوهر

لك اعذب التحايا
مسيووو

[مسيوبوتاميا]

المشاركة الأصلية كتبت بواسطة نوف الشموخ

روعه يامسيو

تحياتي

شكرا لك الغاليه نوف
حضورك اسعدني

لك اعذب التحايا
مسيووو

[سعيد الخميس]

شكراً على مجهودك في الابداع

عدد حركة الحروف وعدد نفحات البخور

الشكـر لـك يالمبـدع الشكـر الجـزيـل
هــذه بـدايـة مطـلـع الـخـط الـسـريـع

إلا انت شكرك بحر من شعري طويل
تستاهـل الجـزلات يـا الـقـرم المنـيـع

سعيد الخميس