شبكة الشموخ الأدبية - تحبين الزعل !!

سلام الله عليكم جميعا

حضور اول اتمنى ان يليق بذائقتكم

.

.

.

يانجمتي .. حب السهر ... عادة سهيل
وانتي .. تحبين الزعل والتعالي

عقدة حجاجك .. تطفي الشمع ويسيل
عقد النجوم .. فـ حضن سود الليالي

من يومنا ... وانتي وانا .. راعد وسيل
يقدح شرارك .. والخلا ... والنوى لي

من يومنا ... واحنا .. جروح ومناديل
مدري منين آجيب لك قلب خالي

اعرف عيونك لانوت بالغرابيل
واعرف هواها من هبوب الشمالي

واعرف عوايد مرهفات المظاليل
لكني انسى كل ماطاب حالي

مجروح لكن ما بصدري مقاتيل
واشبح حزين الليل .. والصبح فالي

وان عوّدت بعض امنياتي مغاليل
مرّ ٍ يروح... ويرجع العمر حالي

تكبّري .. كل السحايب هماليل
ما توصلي مهما بعدتي خيالي

لو ضاق بك صدر السما ضافي الليل
ما ضاق بك حلمي .. ولا طول بالي

ولو انطفى حولك من الليل قنديل
لاتزعلين ... الا على ما مضالي

شدّي منيب آهاب قطع المواصيل
من راح عني .. ما بليته بحالي

نادي الرحيل .. وروّحي روحة سهيل
قولي وداع ..... ولاتعبتي تعالي

اخــــــوكم

.

.

.

محمد