شبكة الشموخ الأدبية

شبكة الشموخ الأدبية (http://www.alshmo5.com/vb/index.php)
-   منتدى التراث والمنقول (http://www.alshmo5.com/vb/f10.html)
-   -   المفارق .... (http://www.alshmo5.com/vb/t4828.html)

رهف الأنصاري 08-09-2010 01:41 AM

المفارق ....
 
http://www.3sl3.com/up/upfiles/mYK06939.gif


//


والله انى كنت ألـوم اللـى يضيـق أن غـاب خلـه

لـيـن جـربـت المحـبـه والـفـراق وقـلـت تـوبـه..


لعـنـبـو جـــد الـمـفـارق فـيــه هـــم وفـيــه ذلـــه

أثـر كـل الـحـب لــذه والـفـراق أكـبـر عيـوبـه ..


امــس فـارقـت الـغــلا ومـفــارق الـخــلان عـلــه

والعـلاج الوصـل لا تبلـش طبيـب ولا حبوبـه ..


الـزعـل هــو سـبــه الـفـرقـا يـهــز الـحــب كـلــه

ليتـنـى طـولـت بـالـى قـبـل لا يـعـلـن غـروبــه..


وآهني اللـى وسيـع الصـدر.. صـدره وسـع فلـه

غلطه الصاحب تجى وتروح ماهى بمحسوبه ..



عـارفً قــدره.. وقــدر الـلـى يحـبـه فــى محـلـه

ذاك نفسه لا حشا ماهى على الحب مغصوبه ..


ليش تحسب غلطه الصاحب على الصاحب مذله

ليش ماتحسب ميانه لـو تجـى عشريـن نوبـه ..


لا وربــى.. كـنـت أحـبـه حـيــل مـــادورت زلـــه
لا تشكـك فـى غــلاه ولا تسـاعـد فــى هـروبـه..


لايـمــى قـبـلـك تـعـبـت ألــــوم شــعــار الـمـجـلـه
وكنت مؤمن فى مقوله اعـذب الشعـر الكذوبـه..


وأثــر كـلـن فــى حيـاتـه لــه تـجــارب مستـقـلـه
وانت لا تشـره علـى مثلـى وتبـلا لـك بحوبـه ..


كــان جابـتـك.. الحمـيـه روح لــه تكـفـى وقـلــه
لا يخلـيـنـى واذا وده يـخـفــف مــــن ذنــوبــه ..


يستـخـيـر ولـــه غـــلا قـلــب صـــدوق مـايـمـلـه
فـدوة لـه كـل قلـبـي مــن شمـالـه لــى جنـوبـه..


يــوم قـفـى والخـفـوق يـفـوح عقـبـه فــوح دلـــه
وسط وقدرة واحد عز الشتـاء والسهـر دوبـه ..


لا تـقـهـوى بـــارده مـــن بـــرد فنـجـالـه وزلـــه
ثـم قربهـا علـى جـال الجمـر وأرهــى شبـوبـه..


ويـــن يـدلــه هالـخـفـوق وكـــل مـايـدلــه يـتـلــه
طاري اللى ياكثر ماأتعبـت رجلـى فـى دروبـه..


لا طــرى جـريــت ونـــه مـــن بـــلاده مستـحـلـه
مثـل ماراحـت بـلادى مــع شـعـارات العـروبـه..


كــل هـاجـوس يجيـبـه جـعـل شـعـرى فــدوة لــه
وأعـذابـى كــل ماجـبـت لـــى الجـبـلـه هـبـوبـه


مشغـلـن قلـبـي يـحـبـه دون خـلــق الله مـــن الله
هيه ياللـى ممتلكنـى حسـن وأسلـوب وعذوبـه..


ماسمعـت ان الخـوي لـه بالخـوي تسعـيـن زلــه
وانــت طــوف زلـتـى يـاعـل تـفـداك اللـعـوبـه ..


صاحبي سيف الهجر لا صرت تقـدر لا تسلـه -
ماتظـن ان العفـو عنـد المقـدره اكبـر عقـوبـه ..


ايه انا اللى كنت ألوم اللى يضيق ان غاب خلـه
لـيـن جـربـت المحـبـه والـفـراق وقـلـت تـوبـه..




بقلم : حمد السعيد
(فديت ابتسامته )


دهمشي 08-09-2010 02:26 PM

فديت النقل الحلو

صح لسان حمد

رائعة

رهف الأنصاري 08-09-2010 03:47 PM

يسلملي حضورك الاول يالدهمشي

وفعلا كل كلام حمد السعيد راااااااااااااااااااااااائع

شاكرة تواجدك وتعليقك

عبدالعزيز الفدغوش 08-09-2010 10:35 PM

لو سلم من اللعن نص جميل

رهف الأنصاري 08-10-2010 12:55 AM

هلا بالغلا

واللعن جاء للمفارق ..

وفعلا هو نص جميل

وحضورك بالطبع اجمل

تحياتي

عهود المحبه 08-10-2010 02:46 AM

رهف

اختيار رائع

وكلمات اروع

سلم ذوقك واختيارك يالغلا

تحيتي لك

رهف الأنصاري 08-11-2010 01:55 AM

هلا بج يا غاليتي

الرائع هو تواجدك العذب

دمت بود

جوهر الراوي 08-11-2010 04:27 PM

لله درك رهف

قصيدة في منتهى الروعة للشاعر حمد السعيد

كل الود والورد لك

http://www.quran.maktoob.com/vb/up/4...1014560888.gif


الساعة الآن 11:36 PM.

Powered by vBulletin® Version 3.8.8
Copyright ©2000 - 2024, vBulletin Solutions, Inc.
ظ„ظٹظ†ظƒط§طھ - ط¯ط¹ظ… : SEO by vBSEO 3.5.1 Trans by
Coordination Forum √ 1.0 By: мộнαηηαď © 2011

vEhdaa 1.1 by NLP ©2009