ألا يالله يــارب ن تـعـالا =حكيم ن فوق حكام ن بصيري
جعلت الخلق في صورة جمالا =عظيم ن والعسر بمرك يسيري
توفقنـي بوصفـي للجـمـالا =واقول ابيات يرضاها ضميري
ابمـدح سيـدن شـال الثقـالا =ولا يقوى على حملـه كبيـري
صغير السن ماعاش الجهـالا =كبير العقـل طهـره القديـري
على كثر الكفر واهل الهبـالا =مسيره صح مامال المسيـري
صغير وحل معقـود الحبـالا =حكم حكم ن يدل إنه خبيـري
وطا نار الفتن قبـل إشتعـالا =وشال همومهم تـوه صغيـري
سطع نوره على رغم الظـلالا =واصبح بينهم نجم ن منيـري
قبـل لا يبعثـه رب الجـلالا =عطوه اسم ن يساعد لنذيـري
امين وصادق ن رمز الحـلالا =يقول الحق مايبقـى شويـري
محمد واحمـد ولابـه شكـالا =جعل فيه الولي حمدن كثيـري
حسين الوصف في مشيه عجالا =يكن الارض تطواله حريـري
تجمع مثل وبل ن مـن خيـالا =سقا ارض العرب علمن وفيري
حيـت أرواح ماتـت بنهمـالا =واينع نوره بجمع ن غفيـري
وضده صار جمع ن للحثـالا =جمعهم جاهل ن لمرن خطيري
وضنوا ضن مايجري محـالا =براس الخبل والطفل الغريري
بغـو ثنيـه ولا فيهـا مجـالا =عصمه الله بالوحي الغزيـري
وذاع وشاع دينـه ثـم تـوالا =نصر ربك على يد البشيـري
تحلا قدوتـي باحـلا خصـالا =غدا لطيب والشيمـه سفيـري
ليامنـه مسـك بيديـه مـالا =عطا المسكين وارسل للفقيري
سمح بالفتح لصحاب الخمـالا =رحمهم بامر خلاق ن ستيـري
وترى ذالشعر مافيـه إحتمـالا =على كل الوصايف ياعشيـري
وعساني واللذي يقرى الرسالا =مع المبعوث رحمه بالمصيري
كتبت ابيـات مافيهـا عبـالا =عليكم ساقهـا راس الظفيـري