يافديت قلبك مسيو ع الموضوع الحلو والتنسيق الاكثر من رائع جدا ابدعتي والله يعينك على ردودي 1_ماتسلسلك بين اخوانك؟ الثانيه من ثلاث اخوات واخ 2_عشت طفوله مستقره ام متوتره مستقره 3_هل كنت طفل أكول(تحب الاكل كثيرأً)؟ ايه دبدوبه 4_هل كنت مشاكس(مشاغب) أوهادئ (طيوب)؟ مشاكسه 5_أكثر الأماكن ياخذك له امك وابوك؟ البحر 6_حلم طفولتك شنو كنت تتمنى تكون لو كبرت؟ ماعندي حلم مفهيه 7_لماكنت تروح للبقاله إللي جنب بيتكم شنو الشي دائما تشتريه؟ علك ابو نفخه اموت فيه وحلاوة مصاص برائحه البيبسي 8_لما ماما تقول لك ابي اسبحك (اليوم تتروش)شنو شعورك تجبي أو تستانس؟ عادي احب المويه 9_ماهو شعورك اول يوم الدراسه؟وشنو صار معك؟عالم جديد بالنسبه لك؟ اووووه تقطعت من البكاااا طقتني امي غصب لازم تروحين ههههههههههههههههههههههه اكيد ناااس كثييييره مدرسه كبيره 10_ماهو حيوانك المفضل في الطفوله؟ الصيصان 11_اذكر موقف محرج صار لك ولما كبرت دائما تتذكره وتضحك على نفسك امي ارسلتني للبقاله اشتري اغراض للبيت خبز شفت شوكلاته احبها موت قمت شريتها واكلتها ورجعت للبيت وقلت لها طارت مني الفلوس في الهوااااا فعلا كان الجو مغبر فصدقتني فديتها ههههههههههههههههههه 12_منو كان يحبك أكثر ويدافع عنك أمك او ابوك؟ ابوي 13_أكثر لعبه تحبها وتلعبها؟ السكينه لعبه شعبيه ترسم على الارض بالحجر مربعات وترمي الحجر وتحركه برجل وحده والثانيه مرتفعه عن الارض 14_منو كان يضربك بالطفوله وتضايق منه على شرط بعمرك؟ الوالده الله يخليها لي 15_كيف هي علاقتك مع أخوانك كلاً على حده اولاد _بنات؟ زينه مسوين قروب حبايب 16_منو الشخص اللي كنت تخاف منه وتعمله الف احساب؟ جدي الله يرحمه ما يحب الدلع وانا دلوعه بالمرررررره 17_ماهو أكثر الاماكن اللي انت تحب تروح لها؟ السوق 18_كنت طفل إجتماعي أم انطوائي؟ اجتماعيه بالحيييييييييل 19_ماهو اسم الدلع(طبعا اذا راضين عليك)وإذا صار العكس؟(يعني المعياره)؟ عسوووله واذا زعلانيين يالدوووبه 20_إذاكان عندك حلويات تعطي أخوانك معاك؟يعني(بخيل أو كريم)؟ بخييييييييييله مستحيل ماحد يقدر ياخذ مني شي فديتني 21_كان شكلك حلووو أو احليوو أو جوكر ماتنبلع؟ههههههههه يووووووه دبدوبه وقمر ما شاء الله علي حلوه ولا زلت بس الكبر عاد يغير شوي بس للاحسن 22_ماهي الهوايه اللي تحبها ونَمت معاك الى حد الكبر؟ ركوب الدراجه ونميتها للداراجه الناريه وحده شر ههههه طبعا في الملاهي والبحر اركب الدراجه 23_ماهو الشيء اللي سويته وندمت عليه لما كبرت؟ اني تزوجت صغيره ما تمتعت بمراهقتي 24_هل كنت متفوق بدراستك وإي مقعد تجلس؟ جيد جدا اكيد بالكراسي الخلفيه لاني مشاغبه وما احب المعلمه تعرف اني انا اللي سويت الحركه المزعجه 25_هل كنت مدلل في طفولتك او لا؟ اوووووف لدرجة الدلال وعدم رفض طلباتي فديتهم الله يرزقني رضاهم علي والجنه وياهم اجمعين 26_ماهي الاغنيه او النشيده تحفظها بطفولتك ولغاية الان؟؟؟ مقادير ياقلبي العنا مقادير وش ذنبي انا ماااقاااااديير 27_كنت طفل مغرور أو غيور؟ مغروره اعوذ بالله منه الله يغفر لي بس الحين عاديه وبسيطه والحمد لله ماعليك بس تنسخ الاسئله وتجاوب هذا احنا نسخنا وجاوبنا والله يعطيك العافيه رجعتيني لايام الصبا