قالت علامك يا عدوّ المحبين
ليش الهوى بحكمك فسق وخيابه
قلت الظاهر انك ما فهمتي المضامين
اللي وردت لك مع حروف الكتابه
لوّك قريتي وانتي ودك تعرفين
كان اتضح لك ما ورد في الاجابه
لا يا صبيه ماني ضد المحبين
لا والذي حلمه يسبق عذابه
الحب فطره في قلوب الملايين
ومن لايحب ظنّي فاقد صوابه
وش حنّا بليّا الحب ياقرة العين
ناس ٍ على حد المرض والكآبه
الحب حكمه في جميع القوانين
يجوز دامه ما ركع للعيابه
اللي يشوف الحب ما بين شخصين
ينتهي بشوفه وسط الخرابه
اللي يشوف الحب بين البزارين
ينطعن جوفه بليا غرابه
واللي يشوف الحب مثل ما تشوفين
من يلومه لو يكوّد عتابه
أما إذا كان الحب وفق الموازين
أعانقه بروحي ويا مرحبا به .!