أنا في خاطري كلمه عليها جاري التفتيش
~~~~~لها فترة تعذبني...وهاجوسي معذبها
أبا آنبش في خفايا داخلي لعيونها تنبيش
~~~~~وابيها تعانق احساسي قبل لا آشد وأكتبها
أبا آكتبها واردّدها ولو قالوا تعيش بطيش
~~~~~أنا كل الذي فيني ترى سبة سبايبها
أبا آكتب له أنا آحبك... بحبك بس أحب آعيش
~~~~~أحبك .. أيه .. أنا أحبك وروحي حيل متعبها
غلاه بداخلي كوّش على كل الغلا تكويش
~~~~~وخلاني بشوفه بس أعد آيامي وآحسبها
ألا ياآهل الهوى تكفون أنا طير ٍ بليا ريش
~~~~~عجزت أقوى على فرقاه واشباكه بلشت بْها
الا من هو يردّه لي وآنا بدفع له البخشيش
~~~~~وابيه يقول له أرحم ترى هاالكون ضاق بْها
وأنا في ذمتي ماعاد أمارس لعبه التهميش
~~~~~عدل بمشي معه والله ونفسي له بأدّبها
ولا أتكبر ... ولا أتغلى ... ولا أزعل منه .. لو ويش
~~~~~أبيه الحين يرجع لي أحسن جد أخربها 