خاطره اتمنى ان تنال على اعجابكم

واقول فيها:

والله اني ماستمع ياخوك فيها لاغيه
الي على فرقا الولايف حادرات اسيولها

لين تهدر كل بكره عقب ماهي راغيه
ولاّ تشوّل من لقاح ازمولها وافحولها

ولاّ يالين اذيابة العالي تعوّد ثاغيه
الي من اول لاعوت يرتاع من هو حولها


ولايدّب الخوف في قلب الشجاع الطاغيه
من ضعيفٍ مارتكى لثقالها وحمولها

واذن راع الحب ماهي للعواذل صاغيه
لو تلّوح باليدين ولو تدق اطبولها

والله يحقق مطلب انفوسٍ تمنا وباغيه
والله يرد الكيد فنحورٍ بلاها قولها


وسلامتكم