يا حبيبي ويش آقول سلبت كل العقول لك عندي والله قبول من بين كل البشرإرفق بآحوالي وارحم
وخفف عن قلبي الهم
عاشقك والله أعلم
وكلك يا حبي نظر
أنتَ المنى والأمل
حبك بقلبي اكتمل
قل لي ويش العمل
وحبك بقلبي استقر
أنت غالي وحبيب
خلك بجنبي قريب
البعد والله عصيب
والنظره منّك تسر
إسمع كلامي يا ورد
جاوبني وخذ مني الرد
الله يبعد عنّا الصد
بالمستقر والسفر
حيث انك والله غالي
يا حظي أنت وفالي
وهبتك قلبي وحالي
وأحلا أيام العمر
غيرك بالسمآ نجوم
تلف وتدور وتحوم
وبالبحر يمكن تعوم
لكنّك أنت القمر
جوّي من غيرك ضباب
والعمر في قربك طاب
حقيقه ماهي سراب
وبحبك أفشيت السر
لك بسمه مثل البروق
يا أصل الرقه والذوق
ولك عندي كل الحقوق
خل عندك دايم خبر
يا تاج ٍ على رآسي
يا بعد أهلي وناسي
مكتمل ٍ بك إحساسي
في غفوتي والسهر
قلبي لقلبك اهتدى
وحبي بحبك اقتدى
طول أيامي والمدى
يا عالي ٍ في القدر.!
’،
جوهر الراوي