مرات تحتاج .. لصـديق(ن) تشـاكيـه
..................... وتبدي له المكنون .. لا صرت ضـايق


ومرات تحتاج .. لعـدو(ن) تـعـاديـه
..................... تشعل معاه الحرب .. ظلم وحـــرايــق


ومرات تحتاج .. لحبيب(ن) تصافيه
..................... اليا ابتعد تشتاق .. وان جــاك رايــق


ومرات تحتاج .. لضعيف(ن) تواسيه
..................... تسمع منه وتذوق .. ما كــان ذايــق


ومرات تحتاج .. لمريض(ن) تداويه
..................... وتحس به وتطـــيق .. ما كـان طايـق


ومرات تحتاج .. لزعل مع مشــاريه
..................... حتى يزين اللــيل .. لو كـان بـايــق


ومرات تحتاج .. لغضوب(ن) تهاديه
..................... تسايـسـه حـتـى .. تطيح العوايـق


يا كثر ما تحتاج .. والقـلـب كـاويـه
..................... فعلك وغدرك .. والبـلا بالغرايــق


يا كثر ما تحتاج .. والليل ســاريــه
..................... تركض تبي الدنيا .. تسابق دقايـق


لو ينذكر مال(ن) .. ورى الصين ناويه
..................... طـماع ما تشبع .. لزوم(ن) توايـق


يالأدمي والرزق .. من عنـد واليـه
..................... مقسَمـه والله .. كـفـــيـل الـخـلايــق


اقنع وفكر .. وش بلا الضيق حاويه
..................... قلبك وصدقني .. تـعـرف الحـقـايـق



/
\
/
\
/
\


محبكم ..

/
\
/
\

عبدالعزيز الوادي ..