يا قلبي قلبي لك مقر ومضافه
في داخل الوجدان حب ٍ يصونك
يا صاحبي عشقي لك ماهو خرافه
لا والذي زينّي بنظرة عيونك
قربي لك جرم ٍ راغب ٍ باقترافه
لآجل إن روحي ما تهنّى بدونك
إسمك ورسمك تحتويه اللطافه
وآحلا الهدايا من حياتي يجونك
قلبي يودّك والوصل ما نعافه
ياللي جذبني فيك شكلك ولونك
أعشق غرامك والهوى ما نخافه
قلبي جزوم ٍ في غلاك وفنونك
أعلنت حبي في جميع الصحافه
وكتبت لك شعري بنفحة مزونك
عشقى تنامى وما حواني خلافه
أنت الوحيد اللي عيوني يرونك
خذ واستلم عهدي وباقة قطافه
مكتوب من دمي تراني ما آخونك
هذا كلامي يالغلا من شغافه
يا مالك ٍ قلبي مع الروح نونك
:
جوهر الراوي