سلام الله سلام ٍ مرسل لكم من بعيد
العلم منكوس وجروح روحي بازدياد
شفت ربعي بينهم منهو مأسور وشهيد
حسبي الله حسبي الله على رووس العناد
شغموم بن طحطوح
------------
دامك الله يا منار ٍ للبلاغة والقصيد
وسلم الله سلم الله من نوى قدح الزناد
مير عاصوف ٍ تزلزل والرعد صوته شديد
ولا بقى بيدين ربعك غير دعوات ٍ تعاد
عبد العزيز الفدغوش
-------------
آه من وقتٍ خذا المعتصم عقب الرشيد
راح وقتٍ فـيه قـيل حيا حيا للجهـــــــــاد
بنتنا في عرسها لبست اثياب الحداد
(بنتنا في عرسها قيدوها بالحديد)
سود الله وجههم سودوا حتى السواد
شغموم بن طحطوح
------------
مثل غيرك مخلصٍ ماأنت بالغيرة وحيد
والمعنى ما تبنى غير رأي له سداد
مير جو اليوم شوفه في كتامه يستزيد
ديّمت شر وقهر بين كوهين ونجاد
عبد العزيز الفدغوش
------------
وين عهدك يا يزيد وين عهدك يا يزيد
ناركم ماعقــــــبت غير ذرات الرماد
نحتكم في حكمة الغادي واخوه البليد
وغيرنا في عقل مع ثقل يحكم له بلاد
شغموم بن طحطوح