كالعاده قصيده من قصايدي المتواضعه
حبيت انكم ترونها ولا استغني عن ارائكم
ياطير يوم انك تطير
ريشة جناحك فلها
واكفخ كفيخ المستذير
واترك دياري وخلها
لو زان لك فيها مطير
ياملها ياملها
وانصا وليفٍ لي غرير
زينه مكمل دلها
الرمح والسيف الشطير
برمش عينه سلها
والوجه بدرٍ مستنير
من بين سودٍ فلها
وليا بغا حاجه تصير
اب نون عينه تلها
واهني من شاف النظير
واهني دارٍ حلها
ربيع لو هي فالهجير
لو مزنها مابلها
دمعة وليفي والصغير
تحيي هميد ان هلها
من جوفنا لاخر عسير
مانته بلاقي مثلها
وان جيتها حزة عصير
حول عليها وقلها
وقله كلامٍ من ضمير
الي عشق حتى اهلها
عساك ياخلي بخير
وعطني علومه كلها
وسلامة الجميع