اي والله اني للشواهيق هايز=ولاكل شاهوقٍ طويلٍ يهازي
هويت قايد لابسات البلايز= جازي وقادة من وراها جوازي
وصوبت قلبٍ سواة الجنايز=ماحركه مجمول ولا انتهازي
بعين حرٍ للمنيرات حايز=جازم وعازم لانوا الشي حازي
عنيد راس ولاارتخى فالمكايز=ردّته وحده ولااخطا المغازي
اقفت وخلتني عن الغير جايز=ماشوفهن بالعين من عقب جازي
اليا مشن قدمي عطيت المشايز=منكف عن دروب الهواء والمغازي
من عقبها كل العذارا عجايز=لو زيّنوهن للزواج بجهازي
ارخصت فيهن مثل راع الغزايز=ان شاف له فاطر ذبحها النحازي
ماعدّها مكسب ولا هي جوايز=ولقّابها نفد الخلا والعزازي
وياليت وصل الخل للخل جايز=وافتوا بها شيوخ العرب وابن بازي
لاجيه لو دونه سهوم وركايز=وانطح لعينه كل درزي ونازي
وإن قالوا محرم مثل مانت عايز=اصوم عنهن كلهن عقب جازي