مبطي اعيش الهم والقلب مخنوق = ومبطي ادور قلب يصدق معايه

مبطي ادوّر مخلف الوعد بالشوق = ومبطي ادوّر من يعانق سمايه

لا جيتله بالحب يلقاني بذوق = ولا جيتله مهموم يمحي عنايه

وفجأة صدفني بأول الدرب مخلوق = حسن وجمال وزوّد الكون آيه

حتى جماله بالبشر غير مطروق = وله هيبة ٍ ما شفت بأحلا الصبايه

يا صاحبي غر ٍ عن الناس مفهوق = وفي داخلي وشلون سوى سواية

أشرتله بيدي يا سيدي روق = واعطف ترا بالقلب يكفي شقايه

قال انتبه للدرب لا تكون مطفوق = قلت العفو نظرات تمحي بلايه

طاف وتدى وأثر انا منه مسروق = ومن بسمته يا هيه سبّب عمايه

يعني أعيش العمر والقلب مخنوق = وأبطي أدوّر قلب يصدق معايه