عجبى عليك يا ابن أدم يا كبير الدار
قومت الدنيا وماقعدت لما قالو حمار
هو اسمى ده شتيمة ولا جنسى ده عار
خلقنى ربى وخلقك ولا حدش له خيار
وأنا مهما زاد الحمل فوقى صابر على المشوار
لا فى يوم أقول اشمعنى أخويا وأخد منه تار
ولا فى يوم أبص لرزق غيرى وأطق منه وأغار
ولا أرفع فى يوم عينى على جارتى وأصون الجار
ولا مهر أدفع لحمارتى وشبكة وسوار
ولا شقة أجمع فى تمنها ولا أجهز دار
ولا حرمى حامل تتوحم عايزة الكافيار
ولا بنت تخرج عن طوعى وتجيب العار
ولا ابن يدمن ويهلوس ويقع ينهار
عايش فى حالى متهنى.ليه أفكار؟؟
باكل وبشرب وبنهق وما فيش أسرار
وعندى ابن ادم يخدمنى ليل ونهار
إن جعت يشترى برسيمى بأغلى الأسعار
وفى مرضى يفضل يعالجنى ويدعى الستار
خادم أمين من غير راتب ولا حتى إيجار
والحين عرفت يا بنى أدم...
من فينا اللى حمار؟؟؟؟؟؟؟؟؟!!!!!


منقول


شيم